2019 он, өдгөөгөөс зургаахан жилийн өмнө Монгол Улсын Ерөнхийлөгч асан, одоогийн УИХ-ын гишүүн Х.Баттулга АНУ-д албан ёсны айлчлал хийх үеэрээ тухайн улсын Ерөнхийлөгч Д.Трампад "Сибирь шатаад байна, та В.Путин руу залгаач" гэж хэлсэн гэдэг. Тэгэхэд хойд хөршид орших Сибирьт түймэр дэгдэж, хэдэн сая га талбайг хамарсан байдаг. Тэгвэл өнөөдөр Монголын нутаг дэвсгэрт буюу Сэлэнгэ аймагт "Тужийн нарс" шатаж байна.

Хүний нутгийн ой шатаж байхад тив дамнан зовниж явсан "Женко" Х.Баттулгад монголын үзэсгэлэнт байгаль шатаж байгаа нь хэр хэмжээний шаналантай байгаа бол...

Эх орон шатаж байна, хүмүүс тэнд гал түймэртэй тэмцэж байна, галыг унтраахаар хүмүүс энд тэндээс очиж байна. Гэтэл хойд хөршийн Сибирийн төлөө өөр улсын Ерөнхийлөгчийг утас цохихыг уриалж асан УИХ-ын гишүүн Х.Баттулгад хэдхэн жилийн өмнөх тийм шаналан төрөхгүй байх шиг, чимээ сураггүй.