БСШУ-ны яам СУИС-тай хамтран "Бүтээлч үйлдвэрлэл" олон улсын чуулга уулзалтыг энэ сарын 20-21-ны өдрүүдэд Улаанбаатар зочид буудалд зохион байгуулахаар бэлтгэж байна.
Уг чуулганд боловсрол, соёлын салбарын төлөөллүүдээс гадна бизнесийн байгууллагынхан, үйлдвэрлэл эрхлэгчид, иргэний нийгмийн төлөөллийнхөн оролцох юм. Мөн Их Британи, АНУ, Франц, БНСУ, БНХАУ, Дани, Малайзын судлаач, шинжээч нийлсэн 200 гаруй төлөөлөгч оролцож санал, бодлоо солилцоно.
Чуулганд уг салбарын нөлөө бүхий эрхмүүд оролцож сургалт зохион байгуулах юм. Тэдний сургалтаас маш их үр дүнг хүлээж байгааг зохион байгуулагчид онцолж байна. Тухайлбал, уг чуулганаар дизайны болон киноны салбарын бүтээлч үйлдвэрлэлийг хөндсөн салбар хуралдаанууд болно. Эдгээр салбаруудыг төлөөлж загвар зохион бүтээгч Ариунаа Сури болон “Babies” киногоороо монголчуудад танигдсан найруулагч Томас Балмес, Загварын бизнесийн Солонгосын нийгэмлэгийн ерөнхийлөгч Пэ Сү Жон, Шанхайн Театрын академийн профессор, Хятадын нэрт кино найруулагч Шервуд Ху нар оролцож илтгэл тавих юм байна.
Харин тус салбарын тэргүүлэх мэргэжилтэн Том Флеминг “Дэлхий дахийн бүтээлч болон соёлын эдийн засгийн чиг хандлага, Монгол Улсын өмнө нээгдэж буй боломж гарц” сэдвээр илтгэл тавина. Тэгвэл бид Том Флемингийг танилцуулж байна.
Том Флеминг, Доктор (PhD), бүтээлч үйлдвэрлэлийн олон улсын зөвлөх, “Том Флеминг Креатив Консалтинг” компаний захирал, Английн Ворвикийн их сургуулийн гадаад зөвлөх (University of Warwick http://www2.warwick.ac.uk/), Канадын Бритиш Коламбиа (University of British Columbia http://www.ubc.ca/) их сургуулийн профессор
Доктор Том Флеминг нь соёлын бодлого, бүтээлч үйлдвэрлэл, инновацийн чиглэлийн тэргүүлэх зэргийн сэтгэгч, бодлого боловсруулагч, салбарын тоймч юм. Түүний ажил нь соёл, бүтээлч сэтгэлгээ, инновацийн салбарт шинэ бодлого, үйл ажиллагааны чиглэл боловсруулах талаар олон улсын түвшинд засгийн газруудад зөвлөгөө өгөхөд чиглэгдсэн бөгөөд тэрээр соёлын болон бүтээлч эдийн засгийн салбарын бүх түвшний судалгаа, стратеги, бодлого боловсруулахад мэргэшсэн бие даасан шинжээч.
Тэрээр дэлхий дахинаа бүтээлч байдал, инноваци, хамтын ажиллагаа, үр ашигтай соёлын төлөвлөлт, бүтээлч орон зай бий болгох уур амьсгал, орчныг бүрдүүлэхийн төлөө ажилласаар ирсэн бөгөөд соёл хийгээд бүтээлч байдал нь өөр өөр газар, оронд өөр өөр боломж, шийдвэрлэх ёстой асуудлуудыг гаргадаг болохыг тодорхойлоход онцгой анхааран ажилладаг. Түүнчлэн улс орнуудын засгийн газрууд, хөгжлийн агентлагууд, мэргэжлийн өндөр түвшний соёлын байгууллагуудыг төлөөлөн олон тооны судалгаа хийж, тэдгээр байгууллагын стратегийг боловсруулах ажлыг хийдэг. Тэрээр Хойд Португаль, Дубай, Ливан, Бразил, Орос, Египет, Нэгдсэн Вант Улсуудад соёлын стратеги болон соёлын үйлдвэрлэлийн бодлого боловсруулж, Сирээс Лондон хүртэл, Зүүн Англиас Босни хүртэлх нутгийн бүтээлч эдийн засгийн стратеги боловсруулан салбарын зураглал боловсруулах төсөл хөтөлбөр хэрэгжүүлэн бүтээлч эдийн засгийн дээд түвшний бодлогын хэд хэдэн баримт бичгүүдийг боловсруулсан байна. Үүнээс заримыг нь дурдвал Бүтээлч Шотландын Стратеги, Хойд Европын Скандинавын орнуудын Сайд нарын зөвлөлийн Бүтээлч эдийн засгийг хөгжүүлэх Ногоон бодлого гэх мэтчилэн урт жагсаалт гарах бөгөөд Дэлхийн банк, ЮНЕСКО, Британий Зөвлөл, Английн Урлагийн Зөвлөл, Дизайны Зөвлөл, Киноны Зөвлөл зэрэг байгууллагуудад зөвлөхөөр ажилладаг.
05 сарын 18, Даваа
09:00 – 09:30 Семинарын бүртгэл
09.30 – 09.45 Нээлтийн ажиллагаа. Монгол улсын СУИС-ийн ректор, доктор (PhD), проф
Э.Сонинтогос нээж үг хэлнэ.
09:45 – 11:00 “Дэлхий дахины бүтээлч үйлдвэрлэл ба мэдлэгт суурилсан эдийн засаг” Доктор (PhD) Том Флеминг
11:00 – 11:20 Цайны завсарлага
11:20 – 12:30 “Инновацид суурилсан бүтээлч үйлдвэрлэлийг хөгжүүлэх стратегийн боломж ба бэрхшээлүүд: хамтын ажиллагаа, инноваци, авъяасыг хөгжүүлэх боломжууд” Доктор (PhD) Том Флеминг, Нека Флеминг
13:00 – 14:00 Үдийн хоол
14:00 – 15:30 “Монголд бүтээлч үйлдвэрлэлийг хөгжүүлэх нөөц, боломж” дугуй ширээний ярилцлага
15:30 – 15:50 Цайны завсарлага
15:50 – 17:00 “Бүтээлч үйлдвэрлэлийг хөгжүүлэх арга хэрэгслүүд: ур чадвар ба боловсрол; кластер ба сүлжээ; бизнесийн дэмжлэг ба санхүү; худалдаа ба дүрэм журам; инноваци ба солилцоо” Доктор (PhD) Том Флеминг
05 сарын 19, 2015 Мягмар
09:00–10:30 “Бүтээлч үйлдвэрлэлийн кластер хөгжүүлж буй туршлага: Өмнөд Солонгосын хувцас загварын үйлдвэрлэлийн хөгжил", Доктор (PhD) Бэй Сүү-Жеонг
10:30 – 10:50 Цайны завсарлага
10:50 – 12:20 “Европын соёлын нийслэл төслийн залуу авъяасыг дэмжих хувцас загварын төв бий болгох хөтөлбөр; тоон технологи ба хувцас загварын үйлдвэрлэл” Нека Флеминг
12:20 – 13:30 Үдийн хоол
13:30 – 14:30 “Бүтээлч үйлдвэрлэлийн төслүүд” бүлгийн ажил
14:30 – 14:50 Цайны завсарлага
14.50 – 17.30 Төслийн танилцуулга ба Нэгдсэн хэлэлцүүлэг
17.30 – 18.00 Семинарын хаалтын ажиллагаа, сертификат гардуулах ёслол
Т.Энхэлээ
