Хүйтний ам наашилж, хөхүүрийн ам цаашаа харж буй энэ үед хот, хөдөөгүй өвөлжилтийн бэлтгэл ажлаа сайтар хангах шаардлагатай. Хүйтний улиралд Улаанбаатарт тулгамддаг асуудал утаагаар зогсохгүй их. Халтиргаа, гулгаа гэгч бас нэг давагддаггүй зүйл бий. Мэдээж, түүнтэй тэмцэж жил бүр л давс бодис цацдаг. Тэгвэл Улаанбаатар хотын Захирагчийн ажлын албанаас дараах тендерийг зарлажээ.

Тодруулбал, "Цас цэвэрлэгээ, бодис нийлүүлэх зардал" гэсэн нэр бүхий тендерийг зарласан байна. Тухайн тендер нь хоёр багцаас бүрдэх аж. 

• Багц-1: Халтиргаа гулгаа арилгах зориулалтын бодис худалдан авах- 1,440,000,000
• Багц-2:Халтиргаа гулгаа арилгах зориулалтын (CaCl2-ын өндөр агууламжтай) бодис худалдан авах- 1,110,000,000

Санхүүжилтийн эх үүсвэр нь Нийслэлийн төсөв. Нийт төсөвт өртөг нь 2,550,000,000 төгрөг /хоёр тэрбум таван зуун тавин сая/ төгрөг. 

Мөн "Халтиргаа гулгаа арилгах байгалийн давс худалдан авах" тендер зарласан байна. Нийслэлийн төсвөөс санхүүжих агаад нийт төсөвт өртөг нь 825,000,000 /найман зуун хорин таван сая/ төгрөг аж.