Монгол улсад бильяардны нэг төрөл болох heyball-ийн олон улсын нээлттэй тэмцээн энэ сарын 22-28-ны хооронд болж өндөрлөлөө. Тус тэмцээнд Монгол, ОХУ, БНХАУ, Англи, Тайланд, Киргизстан, Казахстан , Пакистан зэрэг улсын 192 тамирчин өрсөлдөн шилдэг дөрөвт монголын дөрвөн тамирчин тодроод байсан билээ.
Аваргын цомыг Г.Ган-Орхон өргөж 15000 долларын шагналыг хүртсэн бол, дэд байранд Г.Лувсандорж, гутгаар байранд А.Ерөөлт, О.Баасандорж нар шалгарчээ.
Heyball нь 169 орныг хамарсан өргөн хүрээтэй хөгжиж байгаа спорт юм. Монголд 2017 оноос эхлэн дэлгэрч, 2019 онд Азийн цуврал тэмцээнийг зохион байгуулж байжээ.
О.Удвал
