Өнгөрсөн долоо хоногт дэлхий дахинд өрнөсөн онцлох 15 үйл явдлыг гэрэл зургуудаар нь дамжуулан хүргэж байна. Балбад дахин газар хөдөлсөн, Брундид төрийн эргэлт хийхээр зэхэж буй, Йеменийн агаарын дайралт хэрхэн үргэлжилж буй тухай болон цагаачид аюулгүй амьдралд хүрэхийн тулд амь насаа дээсэн дөрөөн дээр дэнчилж буй тухай сонирхолтой гэрэл зургуудыг хүлээн авч үзнэ үү.

1. Тайландын Бун Бан Файн Пуужингийн фестивальд оролцогч өөрийнхөө пуужинтай хамт “хөөрөх” мөч. 2015 оны 5 сарын 10. Орон суугчид борооны улирал эхэлснийг тэмдэглэж жил бүр өөрсдийн гараар бүтээсэн пуужингаа хөөргөдөг уламжлалтай байна.

2. Балбын цэрэг хоёр дахь газар хөдлөлтөд бэртсэн бяцхан хохирогчийг зөөж явна. 2015 оны 5 сарын 12. Өнгөрсөн сарын 25-нд 7.8 баллын хүчтэй хөдөлсөн газар хөдлөлтөөр Балбад 8000 гаруй хүн амиа алдаж, 16 мянган хүн бэртэж гэмтсэн билээ. Мөн 160 мянга гаруй байшин барилга нурсан байна. Гэвч үүнэс хэдхэн хоногийн дараа дахин хүчтэй газар хөдөлж олон арван хүн амиа алджээ.

3. Хойд Сулавесийн Ситаро арал дахь галт уул лаваа цацаж эхэлжээ. 2015 оны 5 сарын 12.

4. Хятад залуус дэлхийн үзэгчдийг байлдан дагуулж буй “Avengers” киног үзээд баатруудыг нь дурайлган ийм роботууд хийжээ. Тэд энэхүү бүтээлдээ Халк –төмөр хүн хэмээх нэрийг өгчээ. 2015 оны 5 сарын 12.

5. Сан Диего хотын амьтны хүрээлэнд усны үхэр дөнгөж төрсөн тугалынхаа хамт усанд орж байна.

6. Бразилийн тамирчин Хелио Кастроневес эхний эргэлтэн дээр хана мөргөж машинтайгаа агаар шидэгдэж буй агшин. Энэтхэгийн 500 автомашины уралдаан. 2015 оны 5 сарын 13.

7. АНУ-ын Фалидельфид Амтрак компанийн галт тэрэг хурд хэтрүүлсний улмаас осолдож 8 хүн амиа алдсан билээ. 2015 оны 5 сарын 12.

8. Энэтхэгийн Сринагарын хойд хэсгээс 110 км-т орших Зожилагийн зам дээрх цасан ханы дундуур мшаин гарч байна. Кашмирыг Ладах хоттой холбодог чухал зам зургаан сарын дараа дахин нээгдсэн байна. 2015 оны 5 сарын 13.

9. Йеменийн шийтийн босогчдод эзлэгдсэн эртний цайз Аль-Кахирагаас утаа гарч байна. Тайз хотод Саудын Арабаар удирдуулсан агаарын дайралтын дараа. 2015 оны 5 сарын 12. Талууд энхийн хэлэлцээр хийхийн өмнөх өдрийн байдал иймэрхүү.

10. Гуатемала хотын халдлагын үеэр амиа алдсан алиалагчийн хувцастай хоёр залуугийн цогцос. Тэдэнд халдсан этгээдийг одоо ч барьж амжаагүй байна.

11. Швейцарийн онгоцны нисэгч Дубайн дал модны арлын дээгүүр өнгөрөхдөө бусдынхаа зургийг даржээ. 2015 оны 5 сарын 15.

12. Брундийн төрийн эргэлтэд оролцогч нүүрээ ингэж нуужээ. Босогчид Ерөнхийлөгч Пьерре Нкурунзизаг гадаад айлчлал хийх үеэр төрийн эргэлт хийх оролдлого хийсэн ч амжилтгүй болсон билээ. 2015 оны 5 сарын 11.

13. Цагаачид Андамийн тэнгисийн өмнөд хэсэгт Тайландын армийн нисдэг тэрэгнээс унасан хүнсийг авахаар завинаасаа үсэрч байна. 2015 оны 5 сарын 14.

14. Израилийн палестин босогч тус улсаас олон мянган палестинчуудыг хөөж гаргасныг тэмдэглэдэг “Сүйрэл”-ийн 67 жилийн ойгоор өөрийгөө шатаахаар гал тавьжээ. 2015 оны 5 сарын 15.

15. Йеменийн агаарын дайралтын үеэр хүмүүс зугтааж байна. Босогчдыг дарах зорилготой Арабын холбооны цэргүүд Ерөнхийлөгч асан Али Абдулла Салехийн Сана хот дахь ордныг эзэлсэн босогчдод ингэж цохилт өгчээ. 2015 оны 5 сарын 10.

Г.Үжин

www.24tsag.mn