АНУ-ын Техас мужийн Вако хотод өчигдөр буудалцаан болж есөн хүн амиа алдсан тухай “BBC” агентлаг мэдээллээ. Хэрэг явдал төв Техасын худалдааны төвийн ойролцоо болсон бөгөөд мотоцикльчдын өрсөлдөгч бүлгүүд маргалдсанаар сүүлдээ буудалцаан болж өрнөсөн байна.

Ами алдсан хүмүүс бүгд мотоцикльчид байсан бөгөөд найм нь хэргийн газар, нэг нь эмнэлэгт хүргэгдсэн хойноо аамьсгал хураасан гэлээ. Тэднээс гадна 16 хүн гэмтэж бэртсэн байна.

Нүдэн гэрчүүд хэргийн газрыг дайны талбар эсвэл буудалцаантай кино шиг байсан хэмэнэ дүрсэлжээ. Тэдний мэдүүлснээр танхай этгээдүүд ойролцоогоор 30 орчим буугаар 100 гаруй удаа буудсан гэжээ. Харин энэ мэдээллийг Цагдаагийн газрынхан баталгаажуулахаар шалгаж эхэлжээ.

Мотоцикльчид рестароны зогсоол булаацалдсаны улмаас маргаж эхэлсэн байна.

Г.Үжин