Европын холбооны гишүүн орнуудад цагаачдыг байршуулах асуудлыг өнгөрсөн лхагва гаригт Еврокомисс хэлэлцсэн аж. Ойрын хоёр жилд гуравдагч орнуудаас, юуны урьд Африкаас 20 мянган дүрвэгч хүлээж авах юм байна.

Дүрвэгсдийн урсгал эхлэн орж ирж буй Европын өмнөд нутгийн улсуудад учирч буй дарамт шахалтыг багасгахын тулд Европын холбооны 28 улсад тэднийг тэнцүү хувааж байрлуулах төсөл боловсруулжээ. Дүрвэгсдийг зөөж их ашиг олж буй гэмт хэргийн сүлжээг нарийн чанд мөрдөх тогтолцоог шинэчлэхийг, хилийн хяналтаа чангаруулахыг Францын Ерөнхий сайд уриалж байна.

Европын холбооноос дүрвэгсдийн асуудлаар хэрэгжүүлэх гэж буй хөтөлбөрийг хүлээн зөвшөөрөхгүй байгаагаа Их Британи, Польш, Испани, Эстони, Чех, Унгар улсууд урьд нь илэрхийлж байв.

Статистикийн мэдээнээс үзвэл 2014 онд Европын холбооны улсууд гуравдагч орнуудаас 185 мянга гаруй дүрвэгч хүлээн авахаар эрх олгосон нь 2013 оныхоос бараг 60 хувиар илүү гарсан аж. Одоо цагаачлах хүсэлтийг Сири, Саудын Араб, Афганистан улсуудаас их тавьдаг байна.

2014 онд дүрвэгсдийн гол ачааллыг Герман, Швед, Итали, Франц, Унгар улсууд үүрч, 75 хувийг нь орогнуулсан байна.

Г.Үжин