Ирак, Сирийн нутагт үлэмж ноёрхлоо тогтоогоод буй зэвсэгт бүлэглэл “Исламын улс” өнгөрсөн долоо хоногт Пальмира хотыг эзэлсэн. Тэгвэл Исламын хэт даврагчид эзэлсэн хотын иргэдийг ихээхэн хэмжээгээр дарамталж, харгислалыг мэдрүүлж байгаа тухай “CNN” агентлаг мэдээллээ.
Сирийн хүний эрхийн ажиглалт байгууллагын мэдээлснээр өнгөрсөн долоо хоногийн хугацаанд “Исламын улс” Пальмира хотод олон арван хүнийг цаазалсан байна.
Нийт 90 хүнийг цаазалсны дотор 11 хүүхэд байсан тухай хүний эрхийн байгууллага тэмдэглэжээ.
Алагдсан хүмүүсийн ихэнхи нь Башар Ал Ассадын дэглэмийн цэрэг, цагдаагийн албан хаагчид, тэдний гэр бүлийн гишүүд байсан байна.
“Исламын улс” Пальмира хотыг эзлэхээр байлдах сургаар тус хот болон хил залгаа орших хотуудаас нийт 11 мянган хүн орон гэрээ орхин дүрвэсэн билээ.
Сирийн олон нийтийн телевизийн мэдээлснээр Пальмира хотын төлөөх дйанд нийт 400 гаруй хүн амиа алдсан байна.
Сирийн хүчнийхэн Пальмира хотыг террорист бүлэглэлд алдсанаар “Исламын улс” Иракын хилийн дагуух бүх хотуудыг мэдэлдээ аваад байгаа юм. Өөрөөр хэлбэл Иракын бүрэн бүслэн эзлээд байна.
Г.Үжин
Сэтгэгдэл (3)