Польшийн Ерөнхийлөгчийн сонгууль өнгөрсөн бямба гарагт болж өнгөрлөө. Сонгуулийн санал хураалтын гарцан дээр авдаг “Exit poll” санал асуулгаар консерватив намын нэр дэвшигч 43 настай Анджей Дуда ялах нь ойлгомжтой болоод байгаа юм.

Гэтэл сонгуулийн дүн албан ёсоор зарлагдаагүй байхад Ерөнхийлөгч Бронислав Коморовски өөрийн ялагдлаа хүлээн зөвшөөрсөн байна.

Иргэний индэр намаас нэр дэвшсэн Коморовски “Би та бүхний сонголтыг хүндэлнэ” хэмээн сонгогчиддоо хандан хэлээд “Би өрсөлдөгчдөө сайн ерөнхийлөгч болохыг ерөөж байна” гэжээ.

Гарцан дээрх санал асуулгаар Дуда 53, Коморовски 47 хувийн санал авсан хэмээн гарсан байна. Бямба гарагт сонгуулийн байран дээр нэгэн сонгогч эмэгтэй амиа алдсанаар гарцан дээрх санал асуулга хойшлоход хүрсөн бөгөөд өчигдөр дүн нь гарчээ.

Польшийн сонгуулийн ерөнхий хороо албан ёсны дүнг энэ шөнө танилцуулах юм.

Тус улсын Ерөнхийлөгч нь хязгаарлагдмал эрх мэдэлтэй боловч зэвсэгт хүчнийг удирдах, шинэ хуульд хориг тавих эрхтэй байдаг аж. Хууль, шударга ёсны намын Дуда өөрийнхөө намыг сонгуульд ялахыг хүлээж байна. Тус улсын парламентын сонгууль ирэх наймдугаар сард болох юм.

Коморовски таван жилийн өмнө өмнөх Ерөнхийлөгч онгоцны ослоор амиа алдсаны дараа Ерөнхийлөгчийн эрхийг авсан юм.

Г.Үжин