Он гарсаар улсын хэмжээнд 17 аймгийн 75 сумын нутагт 121 удаагийн түймэр гарч бүртгэгджээ. Өнөөдрийн байдлаар Хөвсгөл, Архангай, Булган гурван аймгийн есөн суманд арван түймэр асч, Сэлэнгэ, Булган хоёр аймгийн нутагт долоон түймэр цурманд байна.
    Он гарсаар улсын хэмжээнд 17 аймгийн 75 сумын нутагт 121 удаагийн түймэр гарч бүртгэгджээ. Өнөөдрийн байдлаар Хөвсгөл, Архангай, Булган гурван аймгийн есөн суманд арван түймэр асч, Сэлэнгэ, Булган хоёр аймгийн нутагт долоон түймэр цурманд байна.
    Түймрийг унтраахаар Онцгой байдлын албаны 271 албан хаагч, аймгийн БОАЖГ-ын Ойн нэгж, сумын сум дундын ойн анги, орон нутгийн иргэн нийлсэн 1220 иргэн, 89 автомашин, техник хэрэгсэл ажиллаж байна.
    ЦУОШГ-ын харьяа “Хурын шим” төвөөс тавдугаар сарын 10-12-ны өдрүүдэд түймрийн голомтуудыг унтраах зорилгоор Архангай  аймгийн Булган сумын нутагт 3ш, Хөвсгөл аймгийн Чандмана-Өндөр сумын нутагт гурван ширхэг, Дорноговь аймгийн Улаанбадрах, Хөвсгөл сумдын нутагт 15 ширхэг, Сэлэнгэ аймгийн Цагааннуур сумын нутагт гурван ширхэг, Өвөрхангайн Хархорин сумын нутагт хоёр ширхэг, нийт 26 ширхэг пуужин харважээ. Үүний үр дүнд дээрх аймгуудын нутгаар 17 мм хүртэл хур тунадас орсон байна. Хамгийн их нь Дорноговийн Хатанбулагт 17мм, Хөвсгөлд 10мм, Замын-Үүдэд 16мм, Улаанбадрахад 8мм, Архангайн Булганд 7мм тунадас унасан байна.
    Мөн түймрийн голомттой Хөвсгөлийн Хатгал сумын Сагсагийн даваа гэдэг газар хоёр пуужин, Булган аймгийн Бугат сумын Хүрэн шандын булаг гэдэг газар гурван пуужин харважээ.
    Түүнчлэн, газар тариалангийн бүс нутагт хур тунадас оруулах зорилгоор Дорнод аймгийн Халх гол суманд үүлэнд зориудаар нөлөөлж, 4мм хүртэл бороо оруулсан байна.