ОХУ-ын Засгийн газрын агентлаг Розкомнадзор “Google”, “Facebook” болон “Twitter”-т заналхийлсэн тухай барууны хэвлэлүүд шуугих боллоо.
“Ройтерс” агентлагийн мэдээлснээр Харилцаа, холбооны яамнаас (Харилцаа холбооны хяналт, мэдээллийн технологи, олон нийтийн харилцаа холбооны үйлчилгээний газар) нийгмийн сүлжээ үйлчилгээний компаниудыг Оросын нөлөө бүхий блогчдын мэдээллийг өгөхийг шаардсан байна.
Хэрвээ нийгмийн сүлжээний үйлчилгээний компаниуд өдөрт 3000 буюу түүнээс олон уншигчтай Оросын блоггерчдын мэдээллийг өгөхөөс татгалзвал үйлчилгээг нь ОХУ даяар хаана хэмээн сүрдүүлсэн байна.
Түүнчлэн Розкомнадзор өргөн олныг хамарсан зөвшөөрөгдөөгүй олон нийтийн арга хэмжээ болон жагсаал зохион байгуулах тухай агуулга бүхий контентуудыг устгахыг шаарджээ.
Уг шаардлагад “Google”, “Facebook” болон “Twitter” ямар нэгэн хариу өгөөгүй байгаа юм.
Өнгөрсөн жил Ерөнхийлөгч Владимир Путин интернэтийг засгийн газрын хяналтад оруулахгүй хэмээн амлаж байсан ч саяхны Розкомнадзорын үйлдэлд тайлбар хийхгүй байна хэмээн барууны хэвлэлүүдэд буруутгажээ.
2014 онд батлагдсан хуулиар ОХУ-ын проккурорт шүүхийн шийдвэргүйгээр аливаа веб сайтын үйл ажиллагааг хязгаарлах эрх олгосон юм.
Г.Үжин
Сэтгэгдэл (2)