Ерөнхийлөгч Башар Аль Ассадын явуулж буй үйл ажиллагааг эсэргүүцэн жагсаал хийсэн иргэдийг Засгийн газраас нь баривчилж, олон энгийн иргэний амь нас хохироод байгааг Европын Холбоо эсэргүүцэж байгаа билээ. Өмнө нь Европын холбоо Сирийн төв банкны дансыг битүүжилж, үнэт металь, зэвсгийн хориг тавиад байсан. Тэгвэл энэ удаа Сирийн Засгийн газар, төрийн албанд ажилладаг 129 албан тушаалтан болон 43 компаний дансыг битүүмжилжээ. Мөн тэдний Европын холбооны орнуудад зорчих эрхийг хасахаар болжээ. Жил гаруй үргэлжилж байгаа Сирийн дотоод мөргөлдөөн иргэний дайн болох хэмжээнд хурцдаад байгаа. Тиймээс НҮБ болон бусад олон улсын байгууллагад анхааралтай ажиглаж, Сирийн ерөнхийлөгч Башар Аль Ассадад олон дахин сануулга өгсөөр байгаа юм.