Улсын Ерөнхий прокурорын 01 тоот албан даалгаврыг хэрэгжүүлэх ажлын хүрээнд Орхон аймгийн прокурорын газраас "Хорих ял эдлүүлэх ажиллагаа, МУ-ын нэгдэн орсон ОУ-ын гэрээгээр тогтоосон стандартад нийцэж байгаа эсэх"-ийг аймгийнхаа ШШБА-ны харьяа жирийн дэглэмтэй хорих 437 дугаар ангид судалжээ. Судалгааны явцад МУ-ын нэгдэн орсон ОУ-ын гэрээний заалтын хэрэгжилт хорих ангид ямар түвшинд байгааг нийт 89 ялтнаас тусгай асуулгаар судалж үзэхэд хорих ял эдлүүлэх ажиллагаа хүн бүр чөлөөтэй бодож сэтгэх, шашин шүтэх, эс шүтэх, бие даан буюу бусадтай хамтран нийтийн өмнө болон хувийн журмаар хичээл заах, сурч боловсрох (ИБУТЭТОУПактын 18-р зүйлийн 1), (ХЭТТ 18, 26-р зүйл), ямар нэг гэмт хэрэгт шийтгүүлж ял заагдсан хүн бүр шийтгэгдсэнээ болон оноосон ялыг эргэж хянуулахаар хуулийн дагуу дээд шатны шүүхэд давж заалдах (ИБУТЭТОУПактын 14-р зүйлийн 5 ), гэмт хэрэг үйлдэгдсэнээс хойш тийм хэргийн ялыг хуулиар хөнгөлсөн бол уг хэрэгтэнд тэрхүү хөнгөлсөн ялыг хэрэглэх [ИБУТЭТОУПактын 15-р зүйл], хүн бүр санаа бодлоо чөлөөтэй илэрхийлэх [ИБУТЭТОУПактын 19-р зүйлийн 2] эрхийн хэрэгжилт тус тус зохих түвшинд байсан байна.
Харин хүн бүр нэр төр, эрхийнхээ хувьд адил тэгш, өөр хоорондоо ахан дүүгийн ёсоор харилцаж халдашгүй дархан байх [ХЭТТ 1-р зүйл], хэнд ч эрүү шүүлт тулган эсхүл хэнтэй ч хэрцгийгээр, хүний ёсноос гадуур буюу нэр төрийг нь доромжлон харьцах, шийтгэх ёсгүй (ХЭТТ 5-р зүйл), (ИБУТЭТОУПактын 7-р зүйл) зэрэг эрхийн хэрэгжилт тааруу байгаа нь судалгаанаас харагдаж байгаад прокуророос дүгнэлт хийж, цаашид Хүний эрхийн түгээмэл тунхаглал болон пактад заасан эрхий нь хэрэгжүүлж байгаа эсэхэд прокурорын хяналтыг чиглүүлж ажиллах шаардлагатай гэж үзэж тодорхой ажлуудыг хийхээр төлөвлөжээ.
