Япон улс тун удахгүй цахилгаан шатнуудаа ариун цэврийн өрөөтэй болгох гэж байгаа тухай “Huffington post” мэдээлжээ. Албаныхны мэдээлснээр зөвхөн 00-ийн өрөө ч биш ам цангасан үед уух ус ч цахилгаан шатан дотор бэлэн байх юм байна.

Цахилгаан шатыг тохижуулах энэхүү төсөл нь лифтэнд гацсан 19 мянган хохирогч шиг хүмүүсийг “аврах” болно хэмээн үзжээ. Японд өнгөрсөн бямба гарагт 7.8 баллын хүчтэй газар хөдөслний дараа нийслэл Токиод 19 мянган цахилгаан шат гацаж, хэрэглэгчид нэг цаг орчим дотор нь байснаар хүндрэлтэй байдалд орсон юм. Нийгэмд ихээхэн яригдсан дуулианы дараа эрх баригчид дээрх төслийг санаачилжээ.

Энэхүү төслийг Японы Дэд бүтцийн яам цахилгаан шат, барилгын компаниудтай тохиролцсоны эцэст хэрэгжүүлэхээр шийдсэн байна.

Цахилгаан шатны суултуурууд эвхэгддэг хатуу картон цаас болон ус нэвтэрдэггүй уут, шингээгч материалуудаас бүрдэх аж.

Японы шинээр ашиглалтад орсон барилга байгууламжуудын зарим цахилгаан шатууд нь настай хүмүүс суух сандал болон одоо суурилуулж буй ариун цэврийн өрөө зэргээр тоноглогдсон нь хэрэглэгчдэд ихээхэн таалагджээ.

Газар хөдлөлтийн идэвхитэй бүсэд байрладаг Япон улсын хувьд лифт гацах нөхцөл дахин үүсэх нь гарцаагүй тул уг төсөл олон нийтийн сэтгэлд нийцэж байгаа аж.  

Тус улсын олон нийтийн газар, худалдааны төвүүдэд нийт 620 гаруй мянган цахилгаан шат үйлчилдэг бөгөөд тэдгээрийн 20 хувь нь Токиод байрладаг гэнэ.

Г.Үжин