Уул уурхайн магнат Роберт Фрийдландын “Ivanhoe Energy” албан ёсоор дампуурлаа зарлажээ. Өр, төлбөрөө төлж чадахаа байсан тус компанийн хувьцааг Торонтогийн хөрөнгийн бирж болон Насдак бирж өнгөрсөн хоёрдугаар сараас арилжаанаас хассан аж. Харин түүнээс хойш өдийг хүртэл “Ivanhoe Energy” нь “Ernst & Young” аудитын компанитай хамтран өр төлбөртөө бүтцийн өөрчлөлт хийхээр ажиллаж байжээ. Гэвч зээл олгогчидтойгоо тохиролцож чадаагүйн улмаас өнгөрсөн долоо хоногт дампуурахад хүрсэн байна.

Тус компанийн өмч хөрөнгө, эзэмшлииг ойрын хугацаанд худалдах тухай “Ernst & Young” мэдэгджээ. Тус компани Канадаас гадна АНУ, Эквадор, Монголд үйл ажиллагаа явуулдаг юм.

Хүнд газрын тос, битум боловсруулах HTL технологи эзэмшдэг “Ivanhoe Energy” нь энэ чиглэлээр хувьсгал хийх том амбийцтай жижиг компани байв. Гэвч хайгуулын шатандаа байсан төслүүд нь эхнээсээ бүтэлгүйтэж, ажил хэрэг болох боломжгүй болсон аж.

Тухайлбал, тус компанийн хамгийн том найдлага буюу Канадын Альберга дахь Тамарек төслийг нь байгаль орчин хамгаалах шинэ зохицуулалтгай холбоотойгоор өнгөрсөн оны эхээр зогсоожээ. Ингэснээр 1.37 тэрбум ам.долларын өртөггэй бүтээн байгуулалг хэрэгжих, эсэх нь тодорхойгүй болсон байна. Мөн Эквадорын төрийн өмчит “Petroamazonas ЕР” компанитай ойлголцож чадаагүйгээс тус улс дахь газрын тосны төсөл нь гацаанд оржээ.

Г.Үжин