Өнөөдөр УИХ-ын нэгдсэн чуулганаар 2013 оны улсын төсвийн талаар хэлэлцэж байна. Энэ үеэр Монгол улсын гадаад өрийн асуудал хөндөгдсөн юм. УИХ-ын гишүүн Н.Батбаяр дотоодын нийт бүтээгдэхүүний хэмжээ өсч байгаа ч гадаад өр нэмэгдэж байгаа, мөн Монгол улс ямар газар өртэй байгааг тодорхой тайлбарлахыг хүссэн юм. Үүнд Монгол банкны дэд ерөнхийлөгч Жавхлан “Улсын төсвийн зарим асуудал улсын нууцад хамаардаг. Тиймээс нэг бүрчлэн тайлбарлах боломжгүй” гээд нийт өрийн нэгтгэлийг танилцуулсан юм. Монгол улс 2011 оны сүүлийн тайлангаар гадаад оронд нийт 9,6 тэрбум долларын өртэй байгаа бол үүнд Засгийн газрын өр 1,9 тэрбум төгрөг байгаа аж. Харин Монгол банкны өр 260 сая доллар байна.