УИХ-ын чуулганаар Стратегийн ач холбогдол бүхий аж ахуйн нэгжид гадаадын хөрөнгө оруулалтыг зохицуулах тухай хуулийн төслийг хэлэлцэж байна. Өмнө нь стратегийн салбарт уул уурхайгаас гадна банк, хэвлэл мэдээлэл, харилцаа холбооны салбарыг хамруулахаар ярилцсан юм.
   “Энэ дагуу стратегийн ач холбодолтой аж ахуй нэгжид багтсан байгууллагын 49 хувиас илүү бөгөөд хөрөнгө оруулалт нь 100 тэрбум төгрөгөөс хэтэрсэн бол Засгийн гарын гишүүн өргөн мэдүүлснээр УИХ шийдвэрлэнэ” гэсэн заалтыг гишүүд нэлээд удаан хэлэлцэв. Учир нь тухайн аж ахуйн нэгжид гадны этгээдийн эзэмших хувь 49 хувь байх, хөрөнгө оруулалтын хэмжээ нь 100 тэрбумаас давсан гэсэн хоёр шалгуурыг оруулах уу, эсвэл аль нэгийг нь үндсэн шалгуур болох уу гэдэг дээр УИХ-ын гишүүд санал зөрөлдсөн юм. Тиймээс найруулгын асуудлыг байнгын хороонд шилжүүлж дахин хэлэлцэхээр боллоо.

    Мөн "Үндэсний аж ахуйн нэгжид аливаа ажил үйлчилгээ нийлүүлсэн бол давуу эрх эдэлнэ" гэсэн заалтыг зарим гишүүд эсэргүүцсэн юм. хэрэв гадаадын хөрөнгө оруулагч 50 хувийг нь эзэмшдэг бол үндэсний аж ахуйн нэгж гэж үзэх үү гэдэг асуулт маргаан дагуулав.
УИХ-ын гишүүн Н.Батбаярын "Гадаадын хөрөнгө оруулагчдаар дамжуулан монголчуудын ажлын байр, зах зээлийг нэмэгдүүлэх гэсэн санаа" гэж тайлбарласан юм.