Өмнөговь аймгийн Овоот толгойн ордын лицензийг эзэмшиж, үйл ажиллагаа явуулдаг “Саусгоби Сэндс” компанид АТГ-аас шалгалт хийж байгаа билээ. Долоо хоногийн өмнө тус компаний “Моннис” цамхагт байдаг ажлын байрыг битүүмжилсэн ч өнөөдрийг хүртэл лацыг аваагүй байгаа аж. Тиймээс “Саусгоби Сэндс” компаний ажилчид дээрх байрандаа нэвтэрч чадахгүй байна.  АТГ-аас энэ байгууллагын удирдлагуудыг АМГ-ын дарга байсан Ц.Батхуягийн авлигын хэрэгтэй холбоотой байж магадгүй хэмээн сэжиглэн шалгаж байгаа юм. Харин Ц.Батхуягийг үргэлжүүлэн хорих эсвэл суллах эсэхийг ирэх даваа гарагт шийднэ. Тиймээс тус компаний байрны лацыг даваа гарагт авч магадгүй байна.