Энэ долдоо хоногт  Улаанбаатар хотын хүнсний зах, дэлгүүрт худалдаалагдаж байгаа хүнсний гол нэрийн барааны үнийг өмнөх дөрөвдүгээр сарын дундаж үнэтэй харьцуулахад 0.5 хувь, өмнөх 7 хоногийнхтой харьцуулахад 0.3 хувиар өссөн байна.

  Махны үнэ:
 Өмнөх дөрөвдүгээр сарын дундаж үнэтэй харьцуулахад үхрийн махны үнэ 2.2-7.2 хувь, хонины махны үнэ 2.8 хувь, адууны махны үнэ 0.5 хувь, ямааны махны үнэ 0.3 хувиар тус тус өссөн байна.
  Өмнөх 7 хоногийн үнэтэй харьцуулахад хонины махны үнэ 1.1 хувь, үхрийн махын үнэ 3.0-5.2 хувиар өссөн бол, ямааны махны үнэ 1.3 хувиар буурчээ. Адууны махны үнэ тогтвортой байлаа.
Энэ долдоо хоногт 1 кг хонины /ястай/ махны үнэ дунджаар 7213 төгрөг, үхрийн мах /ястай/ – 7800 төгрөг, ямааны мах - 5500 төгрөг, адууны мах – 6186 төгрөг, хонины цул мах – 7771 төгрөг, үхрийн цул мах – 9288 төгрөгийн үнэтэй байв.

  Гурилын үнэ:  Гурилын үнэ өмнөх сарын дундаж үнэтэй харьцуулахад “Алтан тариа” ХК-ны савласан дээд гурилын үнэ 0.1 хувиар өссөн бол, задгай 1-р зэргийн гурил 0.3 хувиар буурчээ. Өмнөх 7 хоногийн дундаж үнэтэй харьцуулахад гурилын үнэ тогтвортой байгаа юм.

  Будаа, элсэн чихрийн үнэ: 2012 оны 5-р сарын 16-ны байдлаар элсэн чихрийн үнийг өмнөх 4-р сарын үнэтэй болон, өмнөх 7 хоногийнхтой харьцуулахад тогтвортой байна. Цагаан будааны үнийг өмнөх 4-р сарын дундаж үнэтэй харьцуулахад 0.2 хувиар буурсан бол, өмнөх 7 хоногийнхтой харьцуулахад тогтвортой байгаа аж.