Буянт-Ухаа хилийн шалган нэвтрүүлэх боомтоор Улаанбаатар-Сөүл, Москва-Улаанбаатар, Сөүл-Улаанбаатар, Берлин-Москва-Улаанбаатар чиглэлийн онгоцоор дотоодоос Гонгорын Одгэрэл нь Баастын Чулуунбаатарын нэрээр паспорт гаргуулан улсын хил зөрчихийг завдсан үйлдлийг ахлагч С.Дөлгөөн илрүүлжээ. Мөн Хумарбекийн Сергүль нь Сумъяагийн Алтантуяагийн Е0860134 тоот паспортыг ашиглан улсын хил зөрчихийг завдсан үйлдлийг ахлагч Э.Ялалт илрүүлсэн байна. Хил зөрчигч Х.Сергүль нь 300 ам.долларын хахууль өгөх оролдлого хийжээ.Мөн гадаадаас хуурамч паспорт гаргуулсан, бусдын паспорт ашиглан улсын хил зөрчсөн дөрвөн удаагийн үйлдлийг ахмад М.Буянхишиг, ахлах дэслэгч Н.Бат-Эрдэнэ, ахлагч Ш.Батнайрамдал, дэд ахлагч Б.Төгөлдөр нар, бусдын нэрээр буцах үнэмлэх авч улсын хил зөрчсөн дөрвөн удаагийн үйлдлийг заставын дарга, ахлах дэслэгч Я.Билгээ, ахмад Б.Цогтнямбуу, дэд ахлагч Б.Батзул, Б.Айзам нар илрүүлэн хуулийн дагуу шийдвэрлүүлсэн байна.
