“Фэйсбүүк” компанийг үндэслэгч Марк Зукерберг өнөөдөр тун даруухан хуримаа хийлээ. 28 настай, дэлхийн тэрбумтнуудын жагсаалтанд дээгүүр бичигддэг тэрбээр есөн жил үерхсэн хятад гаралтай бүсгүй Присчилла Чантай гэрлэлээ. Чаны хүсэлтээр тэд Калифорни мужийн Пало Алто дахь гэртээ хуримаа хийсэн юм. Чан энэ долоо хоногт Калифорнийн анагаах ухааны их сургуулиа төгсөж байгаа тул ёслолд ирсэн 100 гаруй зочид Чаны төгсөлтийн баярыг хийх гэж байна хэмээн бодож байжээ. Гэсэн ч ёслолын үеэр Чан хуримын хувцастай гарч ирсэн нь хүмүүсийг алмайруулсан байна.
