МАХН-ын дарга Н.Энхбаярт яллах дүгнэлтийг өнөөдөр танилцуулна. Тэрээр Клиникийн хоёрдугаар нэгдсэн эмнэлэгт эмчлүүлж байгаа учраас Сүхбаатар дүүргийн шүүхээс Клиникийн хоёрдугаар нэгдсэн эмнэлгийн дарга Г.Баясгаланд хандаж “Н.Энхбаярт яллах дүгнэлтийг өгөх боломжийг хангаж өгөөч” гэсэн Ерөнхий шүүгчийн албан тоотыг хүргүүлээд байгаа юм. Тиймээс яллах дүгнэлтийг өнөөдөр танилцуулахаар болсон байна.Түүнтэй хамт шүүгдэх До.Чулуунбаатар, Ж.Мягмаржаргал нарт яллах дүгнэлтийг гардуулан өгөөд байгаа аж. Тэднийг Эрүүгийн хуулийн 150.3, 263.2-т зааснаар буруутган, энэ сарын 24-нд Сүхбаатар дүүргийн шүүхэд шүүнэ. Хуралд даргалагч шүүгчээр С.Соёмбо-Эрдэнэ, шүүгчээр М.Алдар, С.Оюунчимэг нар оролцохоор болсон билээ.
Б.Чимэг
