Ерөнхий сайд асан Н.Алтанхуягийн ахлах зөвлөхөөр ажиллаж байсан Л.Гансүх нарт холбогдох шүүх хурал Баянзүрх, Сүхбаатар, Чингэлтэй дүүргийн шүүхэд болж байна. Өчигдөр шүүх хуралдаанаар нүүрсний жингийн зөрүү, үнийн зөрүү гэсэн асуудлыг шүүгдэгчдийн зүгээс тайлбарласан.  Харин дараа нь хохирогчдын асуулга, тайлбар хийгдсэн юм.

“Багануур” ХХК-ийн Санхүүгийн албаны даргаас асуулт асуухад олонх асуултад хариулсангүй.  Тэрбээр  өмгөөлөгчийн асуултад хариулах үеэрээ “Багануур хувьцаат компанийн зүгээс АТГ-д хандаж гомдол гаргаагүй. Би шахалтад орсон.” гэжээ.

-Танайх АТГ-т хохирлоо гэж гомдол гаргасан уу? Яагаад энэ хэрэг үүсчихэв?

-Хохирогч: Бид гомдол гаргаагүй. Шинжээч нар хохирсныг тогтоосон байсан.

-Нүүрс худалдах, худалдан авах гэрээнээс хохирсон хохирол байгаа юу?

Хохирогч : Гэрээнд заасан 3.6 дээр зааснаас бусад тохиолдолд хохирсон зүйл байхгүй.

-Тэгвэл 3.6 дээр шуудайлж савласан нүүрснээс үнээ төлнө гээд заасны дагуу компани мөнгөө төлөөгүй юм уу?

-Хохирогч : Төлсөн.

- Тэгээд яагаад хохирсон гээд байгаа юм?

-Хохирогч: Хариулт өгсөнгүй

-27500 төгрөг та бүхний хийсэн гэрээн дээр байгаа үнэ биздээ?

-Хохирогч : Хариулт өгсөнгүй

-3.6 заалтыг хүлээн зөвшөөрч гарын үсэг зурсан компани авсан нүүрснийхээ мөнгийг төлчихөөд байхад хохирох уу?

-Хохирогч : Нүүрсний шуудайнд савлагдсан зөрүүн дээрээс хохирсон гэж үзэж байгаа.

-39000 төгрөг гэсэн нүүрсний үнийг 27500 болгосон нь нүүрс хөтөлбөрийн хүрээнд зориулсан үнэ мөн үү?

-Хохирогч : Би үгүй л гэж бодож байна.

-Шуудайлсан нүүрс, танай ачсан нүүрс хоёрын дундаас 14 тонн нүүрс дутаад байна. Энэ нүүрс хаачсан бэ?

-Хохирогч: Би тэр нүүрс хаачсаныг мэдэхгүй байна.

-Тэгвэл энэ мөнгийг шүүгдэгч нар төлөх ёсгүй юм биш үү?

-Хохирогч : Хариулт өгсөнгүй.

Мөн боруулалтын албаны дарга н.Бямбадоржоос шүүгдэгч талын өмгөөлөгч Ц.Цэрэнжээ асуулт асуусан юм.

-Та бүхэн шигшиж ялгасан нүүрсээ 39000 төгрөгөөр худалдана гэсэн тогтоол гаргасан байдаг.  Энэ яг аль хоолойноос /шигших төхөөрөмжнөөс/ гарч байгаа нүүрс вэ?

-1-р шугамаар гарч байгаа том нүүрний үнэ. Харин 2-р шугамаар гарч байгаа нүүрс Эс БИ Ди ХК-д өгч байсан 27500 төгрөгийн үнэтэй нүүрс. 3-р шугам нь нунтаг буюу станцад өгдөг нүүрс.

-Тэгвэл танай компани хохироогүй юм биш үү?

-Хариулт өгсөнгүй.

-Анхны гэрээг та бүхний хүчээр Л.Гансүхэд нөлөөлж хүчээр зуруулсан уу?

-Үгүй. Гэрээг харилцан тохиролцож байгуулсан.

-14000 кг нүүрс хаачсан бэ? Энэ компани дээр ирээгүй байна шүү дээ. Ер нь нүүрснээс алдагдал, хорогдол гардаг уу?

-Тэр нүүрс хаачсаныг бид мэдэхгүй. Нүүрс алдагдаж хорогддог. Тухайлбал 20 тн-оос 0.5-1.8 тн нь хорогдох магадлалтай.

-Багануур ХК ашигтай ажилласан уу? Алдагдалтай ажилласан уу?

-Манай компани станцад нийлүүлдэг 20500 байсан нүүрсээс ашигтай ажилласан. Харин иргэдэд 39000 төгрөгөөр худалддаг байсан нүүрснээс алдагдал хүлээсэн.

-Нүүрсийг ангилан ялгах техник, тоног төхөөрөмжийн зардал, ажилчдын цалин, түлшний зардлыг хэн гаргадаг байсан юм бэ?

-Эм Жи Би Ди ХК бүх зардлыг гаргадаг байсан.

-Тэгэхээр та бүхэн хувийн компанийн зардлаар ялгасан нүүрсийг  борлуулдаг байсан гэсэн үг үү?

-Тийм.

Шүүгч: Та тэгэхээр 39000 төгрөгөөр зардаг нүүрс нь “Нүүрс хөтөлбөрийн үнэ биш" гэж хэлэх гээд байна уу?  Уг нь та бүхэн 39000 төгрөгөөр борлуулах ёстой байсан гээд үнийн зөрүү мөнгийг нэхэмжлээд байгаа биз дээ?

Гэрч н.Бямбадорж: Энэхүү асуултад хариулаагүй төдийгүй сандарч байгаа нь илт байлаа.

Багануурын захирал асан Мэргэнбаатар:

-Багануур ХК-д ямар ажил гүйцэтгэдэг вэ?

-Багануур ХК-ийн гүйцэтгэх захирал

-Үнэ хэн  тогтоосон юм бэ?

-Төрийн өмч: Хорооны удирдлагын дагуу тогтоодог.

-Мэргэнбаатар та үнэ тогтоосон тогтоолд гарын үсэг зурсан байна. Тэгэхээр та үнэ тогтоосон юм биш үү?

-Би хуучин үнийг л баталгаажуулж гарын үсэг зурсан.

-Нүүрс ангилах тоног төхөөрөмж байсан уу?

-Түрээсээр хагас сар ажиллуулж ангилж байсан. Бага хэмжээтэй станц, жижиг хэрэглэгчид өгөх нүүрсийг ангилдаг байсан.

-Таныг ажиллаж байхад хямд үнэтэй нүүрсээр иргэдийг хангах зүйл яригдаж байсан?

-Эрчим хүчний ажлын хэсэг байгуулаад хямд үнэтэй нүүрс борлуулах ажлын хэсэг байгуулагдан ажиллаж байсан.

-Нүүрс хөтөлбөр Засгийн газрын хөтөлбөр мөн үү?

-Хөтөлбөр гэдгийг бичгээр үзээгүй. Гэхдээ Засгийн газрын ажил гэдгийг мэдэж байсан.

-Багануур илч ямар чиг үүрэгтэй вэ?

-Жижиглэнгийн хэрэглэгч нарт нүүрс олгох, борлуулах чиг үүрэгтэй. Нүүрсээ станцад 20500, жижиглэнгээр 27500 төгрөгөөр борлуулдаг байсан.

-Энэ үнэ нь технологийн дамжлагын үнэ гэж ойлгож болох уу?

-Болно.

-27500 хөтөлбөрийн үнэ гэсэн асуудал гараад байгаа. Та үүнийг юу гэж тайлбарлах вэ?. Мэдэж байгаа зүйл байна уу?

-Мэдэж байгаа зүйл байхгүй.

Би 2011.07.12-наас 11 дүгээр сарын нэгэн хүртэл ажилласан. Миний оронд н.Отгонбаяр захирал ирсэн. 

“Багануур илч” ХК-ийн захирал н.Мөнхчулуун асуултад хариуллаа.

-Багануураас нүүрс гаргахдаа тонн нүүрс гаргасан байдаг. Тэр нүүрсийг шуудайлсан нүүрсийг  тоннд шигилжүүлэхээр зөрүү гарч байгаа. Тэр зөрүү нүүрс яасан бэ?

-Намайг анх ажил авахад нунтаг нүүрс овоолоостой байсан. Нүүрсэнд янз бүрийн байдлаар хорогдол гардаг нь үнэн.

-Чулуу гардаг байсан уу?

-Нүүрс нь байгалиас гардаг болохоор чулуу гардаг.

-Нунтаг нүүрсэн дээр баримт, акт үйлддэг байсан уу?

-Надаас өмнө яадаг байсныг би мэдэхгүй.

-Өвлийн цагт нүүрсний алдагдал хоргодол их байдаг. Энэ үнэн үү?

-Төмөр зам ачилт буулгалтын мөнгөө авдаг. Гэхдээ бүрэн буулгадаг эсэхийг мэдэхгүй. Гэхдээ нойтон нүүрс төмөр вагонд наалдаж үлдэх тохиолдол байдаг.

-Таны өмнө компанийн захирал хэн байсан?

-Туяа гэж хүн байсан.

-Тэгвэл та яагаад эзэнгүй гээд байгаа юм?

-Үнэхээр намайг ажил авч байхад төдөн шуудай, төдөн тонн нунтаг нүүрс байна гэж хэлж хүлээлгэж өгөөгүй болохоор тэгж хэлээд байгаа юм.

-Борлуулсан нүүрснийхээ тооцоог яадаг байсан бэ?

-Бид Багануур ХК руу мөнгийг нь шилжүүлдэг байсан.

-Багануур илчийн захирал Туяа борлуулсан нүүрснийхээ тооцоог гаргаж өгсөн байдаг. Та цааш нь яагаад боруулаад яваад байж болоогүй юм бэ?

-Борлуулах газар байхгүй учир борлуулдаггүй байсан.

24tsag.mn