Үндсэн хуулийн Цэц Ерөнхий сайдыг огцруулсан томъёолол хууль зөрчсөн эсэхийг өнөөдөр хэлэлцэнэ. Үүнээс өмнө УИХ-ын дэд дарга Х.Булгантуяа дараах мэдээллийг өглөө. 

Тэрбээр "Яг адилхан Үндсэн хуулийн зүйл заалтаар, дэгийн үг үсгийн зөрүүгүй зүйл заалтаар санал хураалтыг явуулсан. Ерөнхий сайдын үүрэг гүйцэтгэгч Г.Занданшатар өмнө нь яг адилхан ТББХ-ны саналаар санал хурааж байсан протукад сошиалаар дүүрэн бий. Үүнтэй адилхан санал хураалт явуулсан чинь өөрийнх нь хүссэнээр санал гараагүйгээс болоод Үндсэн хуулийн цэцэд хандсан. Ерөнхий сайдыг огрцуулъя гээд санал хураалт явуулсан бол дахиад л намайг Үндсэн хуулийн цэцэд өгөх байсан. Аль нэг томъёололтой нь зууралдаад байгаа биш, дийлэнх гишүүд өөрийг нь огцруулахыг дэмжсэнд л сэтгэл хангалуун бус байгаа учир ингэж хандаж байна. Хувь хүнийхээ зүгээс ингэж л бодож байна" гэв.