Монгол Улсын 34 дэх Ерөнхий сайд Г.Занданшатарын гаргасан хүсэлтийн дагуу Үндсэн хуулийн цэцийн их суудлын хуралдаан болж байна. Энэ үеэр УИХ-ын гишүүн Х.Булгантуяа дараах мэдээллийг өглөө. 

Тэрбээр "С.Бямбацогт сайд Үндсэн хуулийн эх баригч Б.Чимэд гуайн үгээс эшилж байна. Би бас үүнийг хэлье гэж бодлоо. Энд хуульчид, олон нийтийн төлөөлөл сууж байна. Үндсэн хууль бол юм бүхний цуглуулга, бүхий л ажлын заавар, арга ажиллагааны горим биш. Харин нийгмийн суурь харилцааны зарчмын үндсийг тогтоодог хууль. Түүний үг томъёолол болгон нэг буюу хэд хэдэн хууль болж дэлгэрэн хэрэгждэг жамтай. Тэгэхээр Үндсэн хуулийн 34.1 бол УИХ-ын тухай хууль, Дэгийн тухай хуулийн 2020 оныхтой 99, өнөөдөр 4.1 зүйлээр зохицуулагдаж байна. Тэгэхээр Үндсэн хуулийн Цэц маань өнөөдөр ганцхан Үндсэн хуулийн нэр томъёогоор авч үзээд, бусдыг нь авч үзэхгүй гэж хандахгүй гэдэгт найдаж байна" гэв.