Цагдан хорих 461-р ангид болж байгаа цагдаагийн экс дарга нарын шүүх хурал саяхан хохирогчид болон шүүгдэгч нарын хүсэлтийг хэлэлцэхээр завсарлаад байсан ч үргэлжлүүлэн хэлэлцэхээр болоод байна. Шүүгдэгч нарын өмгөөлөгч нарын зарим нь хавтаст хэрэгтэй танилцаж амжаагүй байгаа бол зарим нь ирээгүй байгаа юм. О.Зоригтын өмгөөлөгч Ё.Өнөрбаяр хавтаст хэрэгтэй танилцаж амжаагүй, мөн өөр ажилтай тул ирээгүй аж. Тэрбээр үүнийгээ Сүхбаатар дүүргийн шүүхийн нарийн бичигт мэдэгдсэн байна. Мөн О.Зоригтын өмгөөлөгч Ц.Оюунцэцэг хавтас хэрэгтэй танилцаж амжаагүй гэсэн шалтгаанаар хуралд ирээгүй байна.
Г.Ганбаатарын хувьд албадан томилсон өмгөөлөгч биш, хуучин өмгөөлөгч Т.Мөнхдэлгэрээ дахин сонгож шүүх хуралд оролцож байна.
Харин генерал Ч.Амарболд өмгөөлөгчөөрөө Ж.Яринпилийг сонгоод байгаа юм.
