Томас Биати бол дэлхийн хэмжээнд хамгийн анх хүүхэд төрүүлсэн эрэгтэй юм. Уг нь тэрбээр эхээс мэндлэхдээ эмэгтэй хүн болж төрсөн ч хүйсээ солиулан эрэгтэй хүн болжээ. АНУ-ын Орегон мужид  амьдрадаг Томас 34 настай Нэнси гэдэг эмэгтэйтэй гэр бүл болсон юм. Гэсэн ч түүний эхнэр эрүүл мэндийн хувьд хүүхэд төрүүлэх боломжгүй болжээ. Тиймээс Томас өөрийн хэвлийд өндгөн өс суулгуулж хүүхэдтэй болсон байна.

   АНУ-ын Кентак мужид амьдардаг Стаси Хералд бол дэлхийн хамгийн жижигхэн ээж. Тэр ердөө л 73,5 см  өндөртэй. Гэсэн тэрбээр гурван удаа хүүхэд төрүүлжээ.  Стаси төрөлхийн ясны өвчтэй тул яс нь өсөхгүй харин даавар болон бусад талаараа насанд хүрсэн хүнтэй адил хөгжсөн аж. Харин нөхөр нь  172 см өндөртэй юм байна. Тэд 2000 онд хүнсний дэлгүүр хамт ажиллаж байгаад танилцжээ.

   Энэтхэгийн 70 гарч яваа хосууд ихэр хүүхэдтэй болсон нь Геннисийн номд бичигджээ. Нөхөр Чаран Синг Панвар нь 77 настай бол түүний эхнэр Омкари 70 настайдаа хоёр ихэр хүү төрүүлсэн байна. Тэд фермийн ажил эрхэлдэг ч бухнуудаа зарж, газраа барьцаалан байж ихэр хүүхэдтэй болохоор эсийн эмчилгээ хийлгэжээ. Панварын гэр бүлийн хоёр охин нь нас биед хүрсэн, таван ачтай ч өөрсдийн гэсэн хүүхтэй болохын тулд байгаа бүхнээ шавхсан аж.

Гениссийн номын түүхэнд хамгийн олон хүүхэд төрүүлсэн эмэгтэйгээр Шуяа Василивна бичигдсэн байдаг ж. 18-р зууны үед амьдарч байсан түүнийг "Феодер Василигийн эхнэр" гэдгээр олон нийт мэддэг аж. Түүнийг 27 удаа жирэмсэн болж, 69 хүүхэд төрүүлсэн гэж Гениссийн номд бичсэн байна.

Элизабет Анн Баттле гэдэг эмэгтэй Белинда, Жозеф гэсэн хоёр хүүхэдтэй. Гэхдээ хоёр хүүхдийнх нь насны зөрүү нь эмээ, ач хүү хоёр шиг байдаг аж. Том охин Белинда нь 1956 оны тавдугаар сарын 19-нд ээжийгээ 19 настай байхад тєржээ. Жозеф 1997 оны 11 дvгээр сарын 20-нд ээжийгээ 60 настай байхад төржээ. Өөрөөр хэлбэр том охин нь дүүгээсээ 41 жил 185 өдрийн өмнө төрсөн тул яг л эмээ шиг нь харагддаг байна.

  Дэлхийн хамгийн залуу ээжээр Энэтхэгийн таван настай охин Лина Медина тодорсон байдаг. Линагийн ээж таван нас 7 сар 21 хоногтой охиныхоо гэдсийг яагаад томроод байгааг асуух гэж эмчид ханджээ. Түүнийг эхэндээ хорт хавдартай гэж бодож байсан ч эмчийн оношоор 7 сартай жирэмсэн гэж гарсан байна. Харин сар хагасын дараа таван настай охины гэдсэнд бойжиж буй хүүг нь мэс заслын аргаар төрүүлжээ.

АНУ-ын иргэн Кароле Хорлок гэдэг эмэгтэй 13 жилийн хугацаанд 12 хvvхэд тєрvvлжээ. Түүний хүүхдүүдийн ихэнхи нь ихэр тул ийм олон хүүхэд төрүүлж чадсан байна. Тэрбээр аль хэдийн 40 нас хүрсэн ч  20 жилийн хугацаанд 20 хvvхэд тєрvvлэнэ гэж боддог  тухай ярьжээ.