УДБЭТ-ын гоцлол дуучин, гавьяат жүжигчин Э.Амартүвшин Бээжин хотод болсон Пласидо Домингогийн нэрэмжит дуурийн залуу дуучдын олон улсын “Plаcido Domingo’s Operalia” тэмцээнд тэргүүн байр эзэлжээ. Орон орны шилдэг 40 залуу дуучдаас хоёр үе шатаар шалгаруулахад тэрбээр хамгийн өндөр оноог нь авч  энэ жилийн дэлхийн шилдэг дуучин боллоо.
   Энэ уралдаанд амжилттай оролцсон дуучдыг дэлхийн алдартай, томоохон тоглолтуудад урьж оролцуулдаг байна. “Plаcido Domingo’s Operalia” тэмцээний тэргүүн байранд хоёр хүн шалгаруулдаг бөгөөд  тус бүр 30 мянган долларын шагнал өгдөг аж. Мөн II байранд шалгарсан хоёр хүн тус бүр 20 мянган ам. доллар, III байр хоёр хүн тус бүр 10 мянган ам. доллар, тусгай байр таван таван хүн тус бүр 10-15 мянган ам.долларын урамшуулал өгдөг байна.