СЕХ-ноос МАХН- аас 2012 оны УИХ-д нэр дэвшихээр зэхээд байсан академич С.Нарангэрэл, МАХН-ын дарга Н.Энхбаяр, С.Авирмэд, Н.Энхбаярын хүү Э.Батшугар, хөдөлмөрийн баатар З.Ойдов, Санжаадорж нарыг СЕХ бүртгэхээс татгалзсан.Учир нь МАХН-ын дарга Н.Энхбаярыг УИХ-ын сонгуулийн тухай хуулийн 27 дугаар зүйлийн 27.5.2, 29 дүгээр зүйлийн 29.11.4 дэх хэсэг, Сонгуулийн төв байгууллагын тухай хуулийн 12 дугаар зүйлийн 12.3 дахь хэсгийг, С.Нарангэрэл, С.Авирмэд нарыг УИХ-ын сонгуулийн тухай хуулийн 26 дугаар зүйлийн 26.6., 26.7 дугаар зүйлийг, Н.Санжаадоржийг УИХ-ын сонгуулийн тухай хуулийн 26 дугаар зүйлийн 26.6 дугаар зүйлийг, Э.Батшугарыг УИХ-ын сонгуулийн тухай хуулийн 26.4-г зөрчсөн гэж үзэн бүртгэхээс татгалзсан юм.
Тиймээс тэд СЕХ-ны энэхүү шийдвэр нь улс төрчдийн захиалгаар хийгдэж байгаа хууль бус үйлдэл хэмээн өнөөдөр 11.00 цагаас Үндсэн хуулийн Цэцэд өргөдлөө хүргүүлсэн байна.
Б.Чимэг
