Монголын Урчуудын эвлэлийн хороо 70 жилийнхээ ойд зориулан байгалийн үзэсгэлэнг амилуулсан “Хөдөөгийн аяз” бүтээлээр үзэсгэлэн гаргасан байна. Тус үзэсгэлэн энэ сарын 14-нийг хүртэл гарах бөгөөд 30 гаран уран бүтээлчийн 70 гаран бүтээл тавигдсан байгаа.

    Хөдөөгийн байгаль цаг уур, жинхэнэ монгол ахуйг зотон тос, усан будгаар урласан нь гайхалтай. Үзэсгэлэнд онцлох бүтээл олон байгаагийн дотор зураач О.Магвандоржийн “Энх ургийн гэрээ” олны сонирхлыг ихэд татаж байна. Нүүдэлчин хүннүчүүд суурин соёлтой Хятадуудыг бут цохидог байсан тухай түүх өгүүлсэн сонирхолтой бүтээл аж.