Өчигдөр 16.00 цагийн үед Чингэлтэй дүүргийн нутаг дэвсгэрт үйл ажиллагаа явуулдаг “Нарантуул- II” худалдааны төвд ажил үүргээ гүйцэтгэж явсан цагдаагийн ахлах мөрдөн байцаагч Н.Бат-Эрдэнийг хэвлийн тус газарт нь  хутгалж, гэмтээсэн онц ноцтой хэрэг гарсан билээ.
    Өчигдөр 16.00 цагийн үед Чингэлтэй дүүргийн нутаг дэвсгэрт үйл ажиллагаа явуулдаг “Нарантуул- II” худалдааны төвд ажил үүргээ гүйцэтгэж явсан цагдаагийн ахлах мөрдөн байцаагч Н.Бат-Эрдэнийг хэвлийн тус газарт нь  хутгалж, гэмтээсэн онц ноцтой хэрэг гарсан билээ. Хэргийг  Чингэлтэй дүүргийн XV хорооны оршин суугч, эрхэлсэн тодорхой ажилгүй 60 настай Б.Энхбаатар гэгч үйлдсэн. Түүнийг худалдааны төвд архи хэрэглэж болохгүйг сануулж, шаардлага тавихад ийнхүү эсэргүүцэн хутгалсан байна. Тиймээс уг этгээдийг ШШГЕГ-ын цагдан хорих 461 дүгээр анги руу ачжээ. Мөн төрийн албан хаагчийн биед санаатайгаар хүнд гэмтэл учруулсан гэх үндэслэлээр эрүүгийн хэрэг үүсгэн шалгаж эхэлсэн байна. Хутгалуулсан цагдаа өчигдөр 18.00 цагийн үед мэс засалд орсон бөгөөд хэвлийн хэд хэдэн газарт зүсэгдэж, нойр булчирхайн цорго гэмтжээ. Мөн цус их алдсанаас биеийн байдал  нь хүнд байгаа аж.