Монголын уул уурхайн салбарт нөлөөтэй, энэ жил УИХ-ын сонгуульд нэр дэвшиж буй нэгэн залуу эрхэм шинжлэх ухааны төсөөлөл бодит зүйл болсон нисдэг машин худалдан авахаар захиалга өгчээ. 279 мянган ам.доллараар үнэлэгдэж байгаа “ид шидтэй” машиныг  худалдаж авахаар дэлхийн баячууд уралдан захиалга өгч эхлээд байгаа энэ үед Монголоос ч бас захиалга очсон байна.

   Монголд дэлхийд алдартай сүлжээ дэлгүүрүүд нээгдэж, монголчуудыг тансаг хэрэглээнд ихээхэн мөнгө зарцуулах болсныг илтгэх болсон билээ. Саяхан Нийгмийн хамгаалал, хөдөлмөрийн дэд сайд Н.Номтойбаяр ОХУ-ын ерөнхийлөгч В.Путины зүүдэг “Уллис Нардин”-ы швейцарь цагийг 490 мянган доллараар худалдан авч, бэл бэнчигээ гайхуулаад авсан. Тэгвэл Монголын уул уурхайн салбарт нөлөөтэй, энэ жил УИХ-ын сонгуульд нэр дэвшиж буй нэгэн залуу эрхэм шинжлэх ухааны төсөөлөл бодит зүйл болсон нисдэг машин худалдан авахаар захиалга өгчээ. 279 мянган ам.доллараар үнэлэгдэж байгаа “ид шидтэй” машиныг  худалдаж авахаар дэлхийн баячууд уралдан захиалга өгч эхлээд байгаа энэ үед Монголоос ч бас захиалга очсон байна.

   “Террафүгиа” компаний нисдэг машин зам дээр цагт 70 миль, агаарт 115 миль хурдтай явдаг гэлгээрээ гайхуулж байгаа юм. Бас найман минутанд өндрөө авч хөөрдөг. Энэ машины банк 87 литр түлшний багтаамжтай бөгөөд нисэх үедээ цагт 18.7 литр түлш зарцуулдаг бол газраар явахдаа 70 миль газарт 7.5 литр түлш хэрэглэдэг юм байна.

   Уул уурхай, тэр дундаа бүтээн байгуулалтын салбарт ажилладаг монгол худалдан авагчийн хувьд тэрбээр мөнгө хөлсөнд тийм ч их санаа зовохгүй байгаа аж. Энэ машин нь  дэд сайд Н.Номтойбаярын швейцарь цагны дэргэд даруй хоёр дахин хямд юм. Харин авчирсан хойноо Монголд хэрхэн унаж, олны дунд “од” болох нь сонирхол татаж байна. Тэрбээр одоогоор өөрийн нэрийг олонд мэдэгдэхийг тун хүсэхгүй байгаа ч ойрын хүрээнийхэндээ нисдэг машин авахаар захиалга өгсөн тухайгаа ярьж байгаа гэнэ.
    Ингэж монголчууд технологийн дэвшил, баячуудын хоббиноос хоцрохоо больжээ. Энэ нь нэг талаасаа монголын цөөн хэдэн бизнесмэнүүд дэлхийн хэмжээнд хүрэх хөрөнгө бэлтэй болсныг харуулж байгаа юм.