Италид амьдардаг Гиулиано Строе зургаан настай ч Гениссийн номд бичигдэж, гар дээр суниах, шилэн лонхон дээр суниах зэргээр дэлхийн хэд хэдэн рекордыг эвдээд байгаа юм. Тэрбээр хоёр настайгаасаа аавыгаа дагаж фитнессээр хичээллэх болсон аж. Гиулиано дуртай үедээ бэлтгэл хийдэг бөгөөд залхуу нь хүрэх эсвэл тогломоор санагдвал бэлтгэлээ зогсоодог гэнэ. Гэсэн ч аавыгаа дагаж гурван жил бэлтгэл хийгээд насанд хүрсэн ихэнхи хүнээс илүү булчингийн хөгжил, биеийн хүчтэй болсон байна. Гиулиано олны өмнө үзүүлбэрээ үзүүлж магтуулах дуртай тул бэлтгэлээ тасралтгүй хийсээр байгаа аж.