Дархан өртөөний орчимд Дархан сумын гурван багийн 15 мянга гаруй иргэн оршин суудаг ба хоногт 5500 орчим  иргэн төмөр замыг зам хөндлөн туулж гардаг байна. Гэтэл энэ орчимд явган хүний зориулалтын гарц, гүүр байдаггүйгээс галт тэргэнд дайрагдаж амь насаа алдах, гэмтэж бэртэх явдал гарсаар байгаа  аж.

    Тус өртөөгөөр хоногт 32 вагон дамжин өнгөрч, сэлгээний вагон 24 цагаар ажилладаг гэнэ. Энэ нөхцөл байдлын улмаас Улаанбаатар төмөр замын Дархан зангилааны Дархан өртөөнд нүхэн гарц барьж эхэллээ. 96 м урт, 3 метр өргөнтэй нүхэн гарцын дотор цагдаагийн хэсэг, дэлгүүр, бусад үйлчилгээний газрууд байрлах юм. Нүхэн гарцыг ирэх 9 дүгээр сарын 1-нд ашиглалтад өгөхөөр төлөвлөжээ. Тус байгууламжийг барихад тэрбум орчим төгрөг шаардагдах бөгөөд улсын төсвөөс 870 гаруй сая төгрөг бусад хөрөнгийг орон нутгийн төсөв, Улаанбаатар төмөр замаас санхүүжүүлж байна.

    Д.Ундрах