Москвагийн нэгэн студид “Любимая” хэмээх дуундаа клип хийлгэж буй дуучин Б.Амархүү зогсоол дээр машинаа тавих гэж байгаад санамсаргүйгээр хүн мөргөжээ. Б.Амархүүгийн  ирэхийг студийн гадаа хүлээж байсан зохион байгуулагч бүсгүй түүнийг машинтайгаа зогсоолд ойртож ирэхэд нь байрлах газрыг нь холоос дохиогоор зааж өгөөд өөр тийшээ харан утсаар ярьж зогсоход нь дуучин гэнэт ирж мөргөжээ. Тухайн үед Б.Амархүү тэр хавьд олноор нисч байсан цахлай шувууг харангаа менежертэйгээ утсаар ярьж явсан тул анхаарал алдсанаас ийм явдал болсон байна. Мөргүүлж унасан бүсгүйг Б.Амархүү тэр даруй машинаасаа буун очиж босгосон бөгөөд аз болоход дуучин бага хурдтай явсан тул бүсгүй гэмтээгүй аж. “Москвагийн төвд цахлай олноор үзэгдэх нь ховор, тэгээд ч манай Монголын тал нутагт ийм шувуу байдаггүй болохоор хэтэрхий сонирхож яваад ингэчихлээ” хэмээн тэрбээр учирласан байна.