Дэлхийн алдарт Луврын музейд анх удаа загварын шоу зохиогдож өнгөрлөө. Ийм үйл явдал Луврын музейг байгуулагдсан цагаас нь хойш гарч байгаагүй гэж “Associated Press”  агентлаг мэдээллэсэн байна. Тус музейд Италийн “Salvatore Ferragamo” загварын ордон шоу зохион байгуулсан байна. Луврын музейд 2012 оны 3-р сарын 25-наас 6-р сарын 25-ны хооронд гарч байгаа.
   Сэргэн мандалтын үеийн агуу их зураач Леонардо Да Винчигийн “Гэгээн Анна, гэгээн Мадонна хоёр жаалхүү Христтэй хамт” гэдэг үзэсгэлэнг Италийн “Salvatore Ferragamo” ивээн тэтгэсэн аж. Ийм ч учраас Луврт загварын шоу зохиох тэдний хүсэлтийг музейн удирдлагууд хүлээн авсан гэж “Associated Press” агентлаг уламжлав.
    Уг шоуг үзсэн зочид “Алдарт дизайнеруудын загварыг сонгодог орчинд үзнэ гэдэг үнэхээр гайхамшигтай зүйл болoхыг анх удаа мэдэрч байна” гэж ярьсан байна. Загварын шоунд даашинз болон могойн арьсаар хийсэн цүнх, гутлын коллекцийг сонирхуулсан байна. Италийн “Salvatore Ferragamo” загварын ордонг анх гутал болон хувцасны загвар зохион бүтээгч Сальваторе Феррагамо үндэслэн байгуулжээ.