Энэ жил 39 тээврийн хэрэгсэл зуслангийн чиглэлд үйлчилж байгаа юм. Зуслангийн айлууд зусландаа бүрэн гарч дуусаагүй байгаа учраас одоохондоо чиглэл бүрт 2-3 автобус явуулж байгаа гэнэ. Энэ  чиглэлийн автобусыг “Тэнгис” кино театрын өмнөөс явуулах байсан ч дүүргийн тохижилт үйлчилгээний газраас зөвшөөрөөгүй байна. Ингээд  Жигжид,  Баянбулаг,  Гоодой чиглэл рүү  “Алтжин” худалдааны төвийн дэргэдээс явуулахаар болжээ. Харин Майхан толгой, Өвөр Гүнт, Яргайтын богино зуслан руу Долоон буудлаас явна. Тус автобуснуудын үнийн хувьд гэвэл, бага оврын автобусаар том хүн 600 төгрөг, хүүхэд 200 төгрөгөөр зорчино. Мөн том оврын автобусуудаар том хүн 500 төгрөг, хүүхэд 200 төгрөгөөр зорчино. Түүнчлэн, ахмад настан хөгжлийн бэрхшээлтэй иргэд зорчих үнэмлэхээ үзүүлээд зуун төгрөг төлөх юм байна.