“Пураам” компанийн техник хэрэгсэл рүү буудсан “Онги гол” хөдөлгөөний тэргүүн Ц.Мөнхбаяр, удирдах зөвлөлийн гишүүн О.Самбуу-Ёндон, “Хүдэр гол” хөдөлгөөний тэргүүн Г.Баяраа, “Монгол Улсын төлөө зүтгэе” ТББ-ын гишүүн Д.Төмөрбаатар нарын дөрвөн хүнд холбогдох хэргийг Сонгинохайрхан дүүргийн шүүхээс хэрэгсэхгүй болголоо.
   “Пураам” компанийн техник хэрэгсэл рүү буудсан “Онги гол” хөдөлгөөний тэргүүн Ц.Мөнхбаяр, удирдах зөвлөлийн гишүүн О.Самбуу-Ёндон, “Хүдэр гол” хөдөлгөөний тэргүүн Г.Баяраа, “Монгол Улсын төлөө зүтгэе” ТББ-ын гишүүн Д.Төмөрбаатар нарын дөрвөн хүнд холбогдох хэргийг Сонгинохайрхан дүүргийн шүүхээс хэрэгсэхгүй болголоо. Өглөө 09.30 цагаас эхэлсэн шүүх хурал дөнгөж сая дуусч, шүүх бүрэлдэхүүн гэмт хэргийн шинжгүй хэмээн хэрэгсэхгүй болгосон байна. Тэд урт нэртэй хууль хэрэгжихгүй байна хэмээн 2010 оны есдүгээр сарын 2-нд Сэлэнгэ аймгийн Мандал сумын тавдугаар баг буюу Түнхэл тосгонд алт олборлох үйл ажиллагаа явуулж байсан “Пураам” компанийн техник хэрэгсэл рүү буудсан. Тиймээс тэднийг Эрүүгийн хуулийн 153.2-оор бусдын эд зүйлд халдсан, буу зэвсэг хэрэглэсэн гэсэн үндэслэлээр буруутган шүүсэн билээ. Дашрамд дуулгахад, өнөөдөр шүүгдсэн “Онги гол” хөдөлгөөнийн тэргүүн Ц.Мөнхбаяр УИХ-ын 2012 оны сонгуульд Сонгинохайрхан дүүргийн 26 дугаар тойрогт бие даан нэр дэвшиж байгаа юм.