Насанд хүрээгүй хүүхэд хүчиндэж, бэлгийн дур хүслээ ёс бусаар хангасан хэрэгт буруутгагдаад буй Ч.Отгонбаярыг өнөөдөр Сүхбаатар дүүргийн шүүхийн Эрүүгийн танхимд 15.00 цагаас шүүх байсан ч тодорхой хугацаагүйгээр хойшиллоо. Учир нь хурлыг даргалагч шүүгч Ч.Хосбаяр хөдөө ажлаар яваа учир ийнхүү хойшлуулсан байна. Түүнийг Эрүүгийн хуулийн 126.2.4-т зааснаар насанд хүрээгүй хүнийг хүчиндсэн, 125.2-т зааснаар хэргийг давтан, бүлэглэж, бага насны хүүхдийг далимдуулан бэлгийн дур хүслээ ёс бусаар хангасан хэмээн буруутгаж байгаа аж. Хэрвээ гэм буруутай нь тогтоогдвол 5-10 жил хүртэл хугацаагаар хорих ял шийтгэнэ хэмээн заажээ.Б.Чимэг
