Эрх баригчид ялж л байвал яахаас буцахаа байжээ. Сонгуулийн маргааш юу болох нь тэдэнд огт падгүй бололтой.  Өмнөх сонгуулиар өгсөн амлалтаа биелүүлэх гэж  яалаа даа. Саяхан оюутнуудын хувьцааг луйвардчихлаа. Уг нь баялагаасаа хувь хүртэх боломж иргэн бүрт байсан ч тэгсэнгүй.  Дөрөвдүгээр сарын 12-нд гаргасан Засгийн газрын 116 тоот тогтоолоороо оюутнуудыг хүний хөгжлийн сангаас төлбөртөө авсан мөнгийг   байгалийн баялагаасаа хувь хүртэх хувьцаагаа авсан гэж   тооцохоор болсон тухай шийджээ.  Хэрэв оюутнууд үүнийг мэдсэн бол төлбөрөө өөрсдөө яаж ийгээд төлж, хувьцаагаа авах  байсан биз.  
    Ахмадууд, хөгжлийн бэрхшээлтэй иргэдийг ч бас л бэлэн мөнгө өгөөд хувьцааг нь дээрэмдлээ. Араас нь мөнгөө буцаагаад өгч хувьцаа болговол болгоорой гээд байгаа юмаа, бас. Даажигнаж л байгаа хэрэг л дээ. Энэ өгөх гээд сандраад байгаа мөнгө чинь МАН-ын амалсан мөнгө. Өмнөх сонгуулиар сая таван зуун мянган төрөг өгнө гэж амалж байж төр барьж байгаа. МАН-ын  дөрвөн жил төр барьсны төлөөс юм. Харин тэр хувьцаа бол монголчуудын өөрсдийнх нь юм гэдгийг МАН яагаад хольж хутгаад байна вэ. Уг нь Ардчилсан намын амалсан Эрдэнийн хувийг  л  хүртэж байгаа хэрэг шүү дээ.  
Сонгуулийн амлалтаа биелүүлэх гэсэн биш иргэдээ иймэрхүү аргаар луйвардаад дууслаа.
   Ер нь  Засгийн газрын нөөц сан хоосроод иргэдэд сар бүр олгож байсан хорин нэгэн мянгаа өгч чадахгүйд хүрч байсныг санаж байгаа бол одоо өгч байгаа энэ их мөнгийг иргэдэд олгох эх үүсвэрээ хаанаас гаргав гэдэг нь анхаарал татаж байна.
    Сангийн сайдын хэлснээр энэ  сарын 25-ны дотор үлдэгдэл 670 мянган төгрөгийг тарааж өгнө гэсэн. Гэтэл энэ их мөнгө төсөвт огт суугаагүй. Энэ мөнгийг яаж олох вэ гэдэг МАН-ын хувьд эртнээс толгой өвтгөсөн асуудал байлаа.  МАН-ынхны төлөвлөгөөгөөр Монгол банкинд 350 тэрбум монгол төгрөгийг хэвлэхээр зэхэж байгаа тухай мэдээлэл эх сурвалжууд ярих боллоо. Хэрэв энэ мэдээлэл үнэн бол  МАН Монголын эдийн засгийг сүйрүүлэх ажил хийгээд байгаа юм биш үү. Ингэвэл монгол төгрөгийн ханш унаж, инфляц өснө. Сүүлийн үед банкууд түр хугацаагаар зээл олгохгүй гээд байгаа нь үүнтэй холбоотой юм биш биз. Түр хугацаа гэдэг нь энэ сонгууль дуусах хугацааг хэлсэн юм болов уу.
 Тэр ч бүү хэл  150 тэрбум төгрөгийг Монгол банкны мөнгөний нөөцөөс  ахмадууд, болон хөгжлийн бэрхшээлтэй иргэдийн мөнгийг өгөхөд нэмэр болгохоор татсан гэх мэдээлэл бас байна.   
Ямар ч байсан иргэдэд тараах бэлэн мөнгөгүй Засгийн газар  төсөвт тусгаагүй тэр их мөнгийг   хаанаас гаргах нь анхаарал татаж байгаа. Магадгүй өмнөд хөрш рүү явж учир битүүлэг уулзалт хийхдээ их хэмжээний мөнгө гуйсан юм биш байгаа.
Тэгвэл тэд Таван толгойгоо тавиад туух   хэлэлцээ тохироо хийгээд ирсэн юм биш биз.   Тэртэй тэргүй Монголын Таван толгой олон улсын анхаарал төвд байгаа үе.

    Мөн МАН-ынхан өөрийн намын  томоохон компанитай нөхдүүдээс мөнгө татан төвлөрүүлэх гэж цуглууж буй гэсэн мэдээлэл чих дэлсэв. Үүнээс болж өнөөх томоохон  компаний нягтлангууд нь уураа барж ядаж байгаа гэх.
Ингэхээр МАН  670 мянган төгрөгийг  тараах гэж улс орноороо тоглох дээрээ тулаад байгаа бололтой.
   Байгалийн баялагаас хувь хүртээх нэрээр Монголын эдийн засгийг дампууруулах юм уу, барьцаанд орж баялагаа тавиад туух зам дээр монголчуудаа авчирчихаад байгаа юм биш үү, МАН-ынхан.