УИХ-ын 19 дүгээр тойрогт МАН-аас нэр дэвшигч Д.Хаянхярваадархан хотын иргэдтэй уулзлаа. Тэрбээр хоногт 130 м.куб бетон, 40 тонн шохой үйлдвэрлэх хүчин чадалтай “Силикат” ХК-ний ажилтануудтай уулзаж МАН-аас сонгуульд оролцож байгаа мөрийн хөтөлбөрөө танилцуулж, тэдний сонирхсон асуултанд хариулт өгсөн юм.Барилгын салбар сэргэж түүнийг дагасан барилгын материалын үйлдвэрлэл эрчимтэй хөгжиж байгаа энэ үед “Силикат” компаний хамт олон захиалга ихтэй 2-3 ээлжээр үйл ажиллагаагаа явуулж байгаа ажээ. Хамт олны шаргуу хөдөлмөрийн үр дүнд Монгол улс, тэр дундаа Дархан хот хөгжлийн шинэ шатанд хүрч байгаад нэр дэвшигч талархаад цаашдын ажилд нь амжилт хүсч байсан.
Нэр дэвшигч дараа нь “Дархан Ус суваг” ХК-ний хамт олонтой уулзсан юм.240 гаруй ажилтантай тус компани Дархан хотыг цэвэр усаар найдвартай хангах, бохир усыг татан зайлуулж цэвэрлэх үүргээ нэр төртэй гүйцэтгэдэг юм. Сүүлийн жилүүдэд Жайка олон улсын байгууллагын тусламжаар 15.4 тэрбум төгрөгийн өртөгтэй цэвэр усны байгууламжийг шинэчлэн сайжруулах төсөл амжилттай хэрэгжиж дууссан бол өнөөдөр Герман улсын Момо төслийн хүрээнд цэвэр усны алдагдлыг бууруулах төслийн ажил хийгдэж байгаа аж. Энэхүү төслүүдийг хэрэгжүүлэхэд энэ аймгийн засаг даргаар ажиллаж байсан, 2008 онд УИХ-ын гишүүнээр сонгогдож дарханчуудын дуу хоолой болж байсан Д.Хаянхярваагийн үүрэг оролцоо их байсан гэдгийг аймгийн удирдлагууд хэлж байсан. Нэр дэвшигч Д.Хаянхярваа намын мөрийн хөтөлбөр болон өнгөрсөн 4 жилд хийж хэрэгжүүлсэн ажлаа товчхон тайлагнасан юм.
Дархан-Уул аймгийн 7300 гаруй ахмадын төлөөлөл Дархан сумын ахмадуудтай нэр дэвшигчид уулзлаа. Нэр дэвшигчид Монгол Ардын Намын мөрийн хөтөлбөрт ахмадуудад чиглэсэн ямар ямар зүйл заалт орсон талаар болон олон нийтийн анхаарлын төвд байгаа Эх орны хишиг 1.5 сая төгрөгийн хуваарилалтын талаар тодорхой ойлголтуудыг ахмадуудад өгсөн. Ардын намын мөрийн хөтөлбөрт орсон ахмадуудаа халамжлах “Ач санах хууль”-тай болох, аймгийн төв бүрт оношлогооны төв байгуулах, жилд нэг удаа ахмадуудаа сувилалд явахад нь төр даадаг болох гээд олон таатай зүйл заалт байгаад ахмадууд талархалтай хандаж байв. Ахмадууд нэр дэвшигч Хаянхярваагийн сонгуулийн ажилд амжилт хүсээд мөрийн хөтөлбөрийн энэ бүх зүйлээ ажил болгохыг хичээнгүйлэн хүслээ.Мөн энэ өдөр нэр дэвшигч Д.Хаянхярваа ерөнхий боловсролын сургуулийн багш нартай уулзлаа. Монгол улсын ирээдүйн хөгжил нь боловсрол гэдэгтэй хэн ч маргахгүй. Монгол Ардын намын мөрийн хөтөлбөрт дэлхийн өндөр хөгжилтэй орнуудын жишигт нийцүүлэн сургуулийн өмнөх боловсролын чанарыг сайжруулж, ерөнхий боловсролын сургалтанд Кембриджийн стандартыг бүрэн нэвтрүүлэх, бүх сургуулийг интернэтэд холбож “Цахим сургууль-Цахим сургалт” хөтөлбөрт нийт ерөнхий боловсролын сургуулийг хамруулах гэх зэрэг хүүхэд рүү чиглэсэн олон зүйл байгааг нэр дэвшигч багш нарт дуулгаж байсан. Үүнээс гадна багш нарын мэргэжлийг дээшлүүлэх, хөдөлмөрийн үнэлэмжийг сайжруулан цалин хөлс, урамүүшууллыг тогтолцоог оновчтой болгоход анхаарч ажиллана гэдгээ нэр дэвшигч Д.Хаянхярваа уулзалтын үеэр хэллээ.
