Засгийн газрын захиалгаар 350 тэрбум төгрөгийг хэвлэн ахмад настан, хөгжлийн бэрхшээлтэй иргэдийн 670 мянган төгрөгийг санхүүжүүлэхээр Монголбанк их хэмжээний цаасан мөнгө хэвлэж тараах гэж байна гэсэн мэдээлэл зарим сонин хэвлэлээр цацагдсан нь ор үндэсгүй зүйл болохыг Монголбанк хариуцлагатайгаар мэдэгдэж байна.

  Монголбанкнаас дээрхи зориулалтаар Засгийн газарт зээл олгох талаар ямар нэгэн гэрээ хэлцэл хийгээгүй, хийх ч үгүй.

  Ийм ташаа, олон нийтийг төөрөгдүүлсэн мэдээлэл нь макро эдийн засгийн тогтвортой байдалд сөргөөр нөлөөлж болохыг хаа хаанаа ухамсарлан хариуцлагатай байхыг нийт хэвлэл мэдээллийн хэрэгсэл, сэтгүүлчиддээ уриалж байна.

МОНГОЛБАНК