Хуурамч дипломоор боловсролтой хүн болж жүжиглэн Сонгинохайрхан дүүргийн Засаг дарга болсон нь илэрч шившгээ хутгаж байсан Ч.Сайханбаяр өмнө хэрэглэсэн мэхээ ахин хэрэглэхээр шийдсэн байна.Тэрбээр хуурамч дипломоор өөрийн боловсролыг нотлох гэж оролдож байсан нь хууль хяналтын байгууллагын шалгалтаар тогтоогдож дүүргийн даргаасаа огцрон МАН-аас хөөгдөх дээрээ тулж байсан юм. Гэтэл Нийслэлийн сонгуулийн хороо энэ хүний хуучин мэхэнд дахин унаж нэр дэвшигчээр бүртгэж авсан нь илэрлээ.
Өмнөх хэргийг сануулахад Ч.Сайханбаяр нь Төрийн захиргаа удирдлагын хөгжлийн институтийг магистр зэрэгтэй төгссөн гэсэн хуурамч диплом үйлдэн төрийн албанд шургалсан бөгөөд нотариатч Ч.Эрдэнэбаяр гэгчээр хуурамч дипломоо баталгаажуулахыг оролдож байжээ. Мөн Москвагийн Автозамын дээд сургуулийг (МАДИ) төгссөн гэх дипломыг нь тус сургуулийн проректор А.Н.Ременцов үгүйсгэн, хуурамч болохыг нотолсон албан тоот Монголын хууль хяналтын байгууллагад ирүүлж байв.
Өмнөх хэргийг сануулахад Ч.Сайханбаяр нь Төрийн захиргаа удирдлагын хөгжлийн институтийг магистр зэрэгтэй төгссөн гэсэн хуурамч диплом үйлдэн төрийн албанд шургалсан бөгөөд нотариатч Ч.Эрдэнэбаяр гэгчээр хуурамч дипломоо баталгаажуулахыг оролдож байжээ. Мөн Москвагийн Автозамын дээд сургуулийг (МАДИ) төгссөн гэх дипломыг нь тус сургуулийн проректор А.Н.Ременцов үгүйсгэн, хуурамч болохыг нотолсон албан тоот Монголын хууль хяналтын байгууллагад ирүүлж байв.
Хууран мэхлэх үйлдэл удаа дараа хийсэн, боловсролын дипломууд нь бүгд хуурамч гэдгийг хууль хяналтынхан удаа дараа нотолсоор байхад НИТХ-ын сонгуульд нэр дэвшигчээр бүртгэж авсан нь хачирхалтай. Нийслэлийн сонгуулийн хорооны дарга Ү.Ганболд ажилдаа тэнцэх хүн мөн эсэх талаар СЕХ анхаарч, хууль зөрчсөн нэр дэвшигчийг нэрсийн жагсаалтаас хасах, хуулийг шударгаар мөрдөх ёстой.
