Өнгөрч буй долоо хоногт Монголын хөрөнгийн бирж дээр Шивээ овоо /10.0%/, Адуунчулуун /6.9%/, Могойн гол /5.9%/, АПУ /4.4%/, Монголиа девелопмент ресурсес /3.1%/, Говь /2.2%/, Шарын гол /0.5%/ зэрэг ХК-ийн үнэт цаасны ханш буурчээ.
    Харин ханш нь хамгийн их өссөн үнэт цаасны тоонд Дорнод есөн эрдэнэ /32.2%/, Монгол савхи /30.7%/, Дөрвөн уул /15.9%/ зэрэг ХК-иудын үнэт цаас орж байна.
    Ханш нь хамгийн их буурсан үнэт цаасны тоонд Оллоо /11.8%/, Монноос /10.0%/, Шивээ овоо /10.0%/ зэрэг ХК-иудын үнэт цаас багтжээ. Мөн хамгийн олон ширхэг арилжигдсан үнэт цаасанд Женко тур бюро /15.0 сая ширхэг /, Хөх ган /10.6 сая ширхэг/, Монинжбар /5.1 сая ширхэг/ зэрэг компаний үнэт цаас багтжээ. Нийт 61 үнэт цаас арилжигдсанаас 34 үнэт цаасны ханш өсч, 15 үнэт цаасны ханш буурч, 12 үнэт цаасны ханш тогтмол байлаа. Зах зээлийн нийт үнэлгээ 12.8 тэрбум төгрөгөөр буюу 0.7 хувиар өсч, 1 их наяд 777.7 тэрбум төгрөг болжээ. Үнийн дүнгээр Би ди сек /3.7 тэрбум төгрөг/, Багануур /2.2 тэрбум төгрөг/, Хөх ган /2.0 тэрбум төгрөг/ зэрэг компанийн үнэт цаас арилжигдсан байна.