Дэлхийн улс түмний соёл боловсролын дээвэр болсон ЮНЕСКО-гийн төв байранд Монгол костюмс төвийн ”Монгол хувцасны нууц товчоон" түүхчилсэн загварын тоглолт амжилттай зохиогдлоо. ЮНЕСКО-ийн Биет бус соёлын өвийг хамгаалах тухай Конвенцийн Ерөнхий бага хурлын ээлжит 4-р чуулган энэ оны 6 дугаар сард Парис хотноо хуралдëàх мөчид Монгол хувцасны бахархам түүхэн өв соёл амиллаа. Монгол Улс ЮНЕСКО-д элссэний 50 жилийн ой тохиолдож буйтай холбогдуулж “Монгол хувцасны нууц товчоон” хэмээх тоглолтыг ЮНЕСКО-ийн Парис хот дахь төв байранд тоглох завшаан тохиосон нь монгол түмний соёлын үнэлж барамгүй өв болох дээл хувцсаа бүртгүүлэхэд маань ихээхэн ач холбогдолтой.
“Монгол хувцасны нууц товчоон” хэмээх тоглолт монгол хувцасны үүсэл хөгжил, хувьсалыг эрт эдүүгээс энэ цагийг хүртэл харуулахыг эрмэлзсэн бөгөөд үндэстний дээл хувцас, зан үйл нь соёлын биет болон биет бус өвөөс хэрхэн ч салгаж болгохгүй язгуур нандин өв юм гэдгийг таниулахыг хичээсэн юм. Тоглолтод 27 уран бүтээлчид оролцож, 150 гаруй äýýë хувцас эдлэлийг сонирхуулсан áàéíà.
“Монгол Костюмс” ХХК 2003 онд үүсгэн байгуулагдсанаасаа хойш Монгол үндэстний бахархал болсон үндэсний хувцасны гайхамшиг түүний арвин их түүх соёлыг залуу хойч үедээ өвлүүлэн үлдээж эх оронч сэтгэлгээг төлөвшүүлэх, түүхийн үнэт зүйлийг цуглуулан хадгалан хамгаалж уламжлуулах, гадаад дотоодын жуулчин гийчинд сурталчилах, монгол загварыг дэлхийд таниулах, үндэсний үйлдвэрлэлийг хөгжүүлэх, загварын ертөнцөд чадварлаг дизайнер, загвар өмсөгчдийг бэлтгэж чиг хандлагыг тодорхойлж сурталчлахыг эрхэм зорилгоо болгон ажилласаар ирсэн.
Энэхүү зорилгынхоо хүрээнд МУ-ын БСШУЯ-ны сайдын 2010 оны 3 сарын 05-ны өдрийн 92 дугаар тушаалаар шинэчлэн баталсан “МУ-ын Соёлын биет бус өвийн төлөөллийн үндэсний жагсаалт”-д бүртгэгдсэн үнэт өв болох “Монгол хувцас болон түүнийг урлах уламжлалт гар урлал”-ыг ЮНЕСКО-ийн Соёлын Биет Бус Өвийн төллөөллийн санд бүртгүүлэх үйл ажиллагааг зохион байгуулж, бичиг баримт боловсруулан бүрдүүлэх ажлыг 2 жилийн хугацаанд хариуцан ажиллаж байгаа юм.
