Хууль зүй, дотоод хэргийн сайдын эрхлэх асуудлын хүрээний агентлаг, байгууллагуудын дунд спортын наадам зохион байгуулагдаж өндөрлөсөн байна.Уламжлал болон энэ жил хоёрдахь удаагаа зохион байгуулагдаж буй уг наадмыг Цагдаагийн ерөнхий газар хариуцан “Цагдаагийн байгууллагын нэрэмжит” болгон зохион байгуулжээ.
Спортын II наадамд ХЗДХЯ, ЦЕГ, ШШГЕГ, ХХЕГ, ДХИС, ТТАХНЭ, АЕГ, ХЗҮХ, ШШҮХ, УБЕГ, ГИХАЭГ, Оюуны өмчийн газрын эрэгтэй, эмэгтэй багийн тамирчид гар бөмбөг, сагсан, бөмбөг, хөнгөн атлетикийн буухиа гүйлт, буудлага, шатрын спортын таван төрлөөр оюун ухаан, хурд хүч, авхаалж самбаагаа сорин өрсөлдөж, байгууллагын нэгдсэн дүнгээр Цагдаагийн ерөнхий газар тэргүүлж өнгөрсөн жилийн амжилтаа бататгаж, Хил хамгаалах ерөнхий газар, Дотоод хэргийн их сургууль удаах байруудыг эзэлсэн байна.
Спортын төв ордонд болсон наадмын хаалтын ажиллгааны үеэр Цагдаагийн “Сүлд” чуулгын уран бүтээлчид болон цагдаагийн алба хаагчдын урлаг, спортын болон бие хамгаалах урлагийн үзүүлэх тоглолт болсон байна.
ХЗДХЯ-ны Төрийн нарийн бичгийн дарга Г.Баясгалан спортын II наадамд байгууллага, хамт олноо идэвхтэй оролцуулсан агентлаг, байгууллагуудын удирдлагуудад дурсгалын зүйл гардуулж баярын хүргэж, ирэх жил зохион байгуулагдах спортын III наадмыг Хил хамгаалах ерөнхий газар хариуцан зохион байгуулахыг мэдэгдсэн байна.
Б.Чимэг
