“Худалч залуу” киногоороо үзэгчдийн элгийг хөшөөх шахсан “Х-Түц” продакшны жүжигчин Т.Бархүү сүүлийн үед олз омог ихтэй яваа. Өнгөрсөн онд УДЭТ-ын тайзнаа тавигдсан “Эхнэрээ зээлээч” жүжгийн зохиолтой тун чиг адилхан сэдэвтэй энэхүү бүтээлээ кино болгож чадсан түүний 24 баримтыг хүргэж байна.  
    “Худалч залуу” киногоороо үзэгчдийн элгийг хөшөөх шахсан “Х-Түц” продакшны жүжигчин Т.Бархүү сүүлийн үед олз омог ихтэй яваа. Өнгөрсөн онд УДЭТ-ын тайзнаа тавигдсан “Эхнэрээ зээлээч” жүжгийн зохиолтой тун чиг адилхан сэдэвтэй энэхүү бүтээлээ кино болгож чадсан түүний 24 баримтыг хүргэж байна.

1.    Хошин урлагийн “Х-түц” продакшны жүжигчин Т.Бархүү 1981 оны есдүгээр сарын 27-нд төрсөн.
2.    10 жилээ Нийслэлийн 13 дугаар сургуулийг төгсөж, төгссөн жилээ Испаний эдийн засгийн сургуульд орсон гэдэг. Гэвч дургүйд хүчгүй гэгчээр сургуулиасаа гарч, жүжигчний мэргэжлийг сонгожээ.
3.     Ийнхүү СУИС-д дуулаачийн ангид шалгалт өгөхөөр болсон ч тэрээр жүжигчний ангид өгч улаан зурвасны өмнөхөн бичигдэж тэнцсэн байна.
4.    Багаасаа дуулах дуртай байсан түүнийг урлагийн замд ээж нь оруулсан гэдэг.  
5.    Хэдийгээр жүжигчний мэргэжлийг сонгосон ч дуулах хоббигоо орхилгүй өөрийн гэсэн арав гаруй дуутай болжээ. Амжвал цомог болгох төлөвлөгөөтэй гэнэ.
6.    Дуулах хүсэл сонирхолдоо хөтлөгдөн найзтайгаа хамт "Ньюанс" гэдэг хамтлаг байгуулж байжээ.
7.    Сургуулиа төгсөж “Х-түц” хамтлагт орж, “Сэргээш-3”-т тоглосон нь түүнийг хошин урлагт хөл төвих алхам болжээ.
8.    Харин удалгүй хошин урлагийн тайзнаас рок попын ертөнц рүү орж, “Худалч залуу”, “Болсон явдал” “Миний хөрш чөтгөр” зэрэг олон кинонд тоглов.
9.    Т.Бархүү “Худалч залуу” кинондоо туслах найруулагчаар ажилласан төдийгүй киноныхоо “Амьдрал гайхалтай хэвээрээ” дууг дуулсан байна.
10.    Түүнийг Буян”-гийн Б.Жаргалсайханд нэвширтлээ зодуулсан хэмээн хэвлэлээр бичиж байв. Учир нь өнгөрсөн оны арванхоёрдугаар сарын 30-нд шинэ жил тэмдэглэж байхдаа Жаргалсайханыг дуурайн элэглэснээсээ болж зодуулсан гэдэг.
11.    Харин энэ талаар тэрээр “Тийм юм байхгүй ээ. Муу ёр байгаа даа. Хэн ч намайг зодоогүй. Ялангуяа Б.Жаргалсайхан гуайн барааг хараагүй удаж байна. Ёстой балай юм бичиж л дээ” хэмээн хариулжээ.
12.    Тэрээр “Х-түц” хамтлаг орсноороо амьдралынхаа ханийг олж авсан гэдэг.
13.    Монголын сайхан бүсгүйчүүдийн нэг, өөрөөсөө 14 насаар эгч алаг нүдэн И.Одончимэгтэй хайр сэтгэлийн холбоотой болж, гэр бүл болсон юм.
14.    Тэдний насны зөрүүтэй гэрлэлт, олны хараанаас мултардаггүй. Түүнийг И.Одончимэгтэй суусан нь нэр хүндийн баталгаа болгосон, ашиг сонжоо олох гэсэн хэмээн хэвлэлээр бичиж байв.
15.    Гэвч энэ бүхэнд Т.Бархүү “Нэгэнт л миний сонгосон амьдрал. Ийм хэл ам, янз бүрийн яриа байнга биднийг дагаж явна гэдгийг мэдэж байсан болохоор харьцангуй гайгүй. Эхний үед янз бүрээр гүтгэн доромжлох, элдвээр хэлэхэд нь эмзэглэдэг л байсан. Харин одоо тэр бүхэнд ач холбогдол өгөхийг хүсдэггүй. Тэр бүхэн худал зүйл байсан шүү гэдгийг амьдралаараа харуулна, батлана гээд л явж байна. Эхнээсээ ч харуулаад сайхан охинтой боллоо. Гэхдээ бид хэн нэгэнд таалагдахын тулд амьдраагүй. Өөр өөрсдийнхөө сонгосон замаар л явна.” хэмээн тайлбарлаж байв.
16.    Харин И.Одончимэг “Би анх Бараатай ямар азтай эмэгтэй ханилах бол оо гэж боддог байлаа. Тэгээд хамт ажиллаад бие биендээ татаагдаад өнөөдөр нэг гэрбүл болоод ийм хөөрхөн охины аав, ээж болчихсон байгаадаа энэ амьдралдаа баярлаж явдаг. Хүмүүс анх их гайхаж хүлээж авдаг байсан. Янз бүрээр л бичүүлдэг байлаа. Гэхдээ миний хань намайг зоригжуулж, урам өгч, энэ бүхнийг тоох хэрэггүй гэдэг байсан. Ийм хүнтэй хамт амьдрана гэдэг асар их аз шүү” хэмээн ярьжээ.
17.    Өнгөрсөн оны арваннэгдүгээр сард тэд Сүндари хэмээх охинтой болсон билээ.
18.    Удалгүй охиныхоо зургийг нэгэн сайтад гурван сая төгрөгөөр үнэлэн худалдсан нь хүүхдээрээ бизнес хийлээ гэх шүүмжлэлийг дагуулсан.
19.    Үүнд Т.Бархүү “Би оюуны өмч гэдэг талаасаа бодож үзсэн. Тэр хүмүүс ч гэсэн анх санал тавихдаа оюуны өмч мөн уран бүтээл гэдэг талаасаа охины чинь зургийг авья гэх санал тавьсан. Хэзээ нэгэн өдөр миний охины зургийг хэн нэгэн зөвшөөрөлгүй аваад л тавина. Тиймээс мэргэжлийн фото зурагчнаар нь аятайхан зураг авахуулсан нь дээр юм уу гэж бодсон юм. Нөгөө талаас бэлэн мөнгө авсан юм байхгүй. Тодорхой хэмжээгээр хамтран ажиллах 3 сая төгрөгний гэрээ л хийсэн”хэмээн тайлбар хийжээ.
20.    Харин өнгөрсөн гуравдугаар сарын 8-нд буюу Олон улсын эмэгтэйчүүдийг эрхийг хамгаалах өдрөөр тэрээр эхнэртээ алмаазан шигтгээтэй цагаан алтан сүйн бөгж бэлэглэсэн.
21.    Түүний эхнэр И.Одончимэгийг хайртай шигээ хартай нэгэн гэдэг. Түүнийг хаа нэгтээ тусдаа яваа тохиолдолд Одноо минут тутам утасдаж, бүр хайсаар байгаад олоод ирдэг хэмээн зарим хэвлэлээр бичжээ.
22.    Т.Бархүү өмнөх амьдралаа эцэслэж, И.Одончимэгтой гэр бүл болсон юм.
23.    Тэрээр Монголын хамгийн залуу “өвөө”-гөөр шалгараад буй. Учир нь түүний эхнэр И.Одончимэг 20 гарсан том охинтой. Тэрээр оны өмнөхөн нярайлсанаар Т.Бархүүг 30 настайд нь өвөө болгосон байна.
24.    Одоогоор “Өнөр” хороололд эхнэр хүүхдийн хамт амьдарч байгаа тэрээр “Мастер пропертис”-ын хагас тэрбумын байр захиалаад байгаа бөгөөд энэ нь түүний эхнэртэй барьж буй ээлжит бэлэг гэнэ.