Хаан банкны бэлэн мөнгөний машинаас их хэмжээний мөнгө алдагдсан хэргийг Украйны хоёр иргэнээс гадна Малайз, Сингапурын иргэд үйлдсэн болохыг тогтоожээ. Тэд яагаад Монголыг сонирхох болов, ямар аргаар мөнгө завшсан болохыг албаны эх сурвалжаас тодруулахад, “ Хуурамч карт ашиглан мөнгө завшсан хэрэгт Украйны гурав, Сингапур, Малайзаас ирсэн тус бүр гурван иргэнийг саатуулан, эрүүгийн хэрэг үүсгэсэн.
   Гэмт хэрэгтнүүд ямар аргаар бэлэн мөнгө авсныг хэлэх боломжгүй. Гэхдээ хаан банкны нууцлалтай ямар ч холбоогүй. Тэд гэмт хэрэг үйлдэхдээ олон улсын карт ашигласан. Түүнээс гадна манай улсыг харуул хамгаалалт сул, мэдээлэл тааруу байх магадлалтай гэж бодоод Хаан банкыг сонгосон гэж мэдүүлсэн байна.  Өмнө нь тус банкны бэдэн мөнгөний машинаас их хэмжээний мөнгө алдагдсн талаар Эрүүгийн цагдаагийн газарт мэдээлэл ирж, шуурхай арга хэмжээ авснаар Украйны хоёр иргэний саатуулсан байжээ.

Д.Ундрах 24tsag.mn