“МАХН-МҮАН-ын “Шударга ёс” эвслээс УИХ-ын сонгуулийн 21 дүгээр тойрогт нэр дэвшигч Х.Амарсайханы Хан-Уул дүүргийн есдүгээр хороо, “Нисэхийн цагаан хаалга”-ны урд талын сонгуулийн урталчилгааны хоёр тал бүхий зурагт самбарын нэг талыг 2012 оны 06 дугаар сарын 10-ны оройн 19 цагийн үед хэсэг бүлэг хүмүүс буулган, хулгайлан авч явжээ. Эл явдлын талаар цагдаагийн байгууллагад мэдэгдэж, хуулийн дагуу шалгуулж эхэлсэн байна.Тус сурталчилгааны самбарыг 2012 оны 06 дугаар сарын 12-нд дахин хэвлүүлэн байрлуулсан боловч маргааш өдөр нь дахин буулган хулгайлсан байна. Уг хэргийг Хан-Уул дүүргийн цагдаагийн хэлтэс шалгаж байгаа бөгөөд гэм буруутай этгээдийг эрж байгаа аж.
Б.Чимэг



















































