АНУ-ын Нью-Иорк хотод байдаг “Херитейж Аокшн”-ны дуудлага худалдаагаар зарагдах гэж байсан Тиранозаурус Батаарын арга ясыг эрдэмтэд Монголынх гэдгийг баталсан талаар мэдээлээд байгаа. Тэгвэл өнөөдөр АНУ-ын Цагаачлалын алба болон Гаалийн албаныхан Монголын говиос олдсон арга яс гэдгийг албан ёсоор зарлажээ. Энэ тухай “CNN” агентлаг мэдээлсэн байна. Нью-Иорк хотын Зүүн дүүргийн шүүхийн ажилтан Прийт Бхара “Энэ арга яс бол монголчуудын түүх, соёлын үнэт өв, Монголын түүхийг өнгөрсөнтэй нь холбор чухал олдвор” гэсэн байна. Тиймээс удахгүй болох шүүх хурлын дараа үлэг гүрвэлийн арга ясыг Монголд авчрах нь тодорхой боллоо.
Үлэг гүрвэлийн маргаан дэгдсэнтэй холбогдуулан Монгол Улсын Ерөнхийлөгч Ц.Элбэгдорж ажлын хэсэг томилж, “Батаар”-ын үүсэл гарлыг тогтоох үүрэг өгсөн. Үүний дагуу Канадын Филип Кюри, АНУ-ын Марк Норрель, Монголын Ц.Хишигжав, Б.Минжин нарын эрдэмтдийн баг хамтран ажилласан юм. Мөн Энн Олтмэн, Б.Чойсүрэн, Б.Наранзун, Роберт Пэйнтэр, Таня Пэйнтэр, П.Цагаан нарын албаны хүмүүс ажиллажээ.
Т.Гэрэл
